Nyi Ngo Senyühshemtia
Matjem jihsiphai chalou shanga chia chasem che. Chia laubouei haoeibü Bou to chongchingko nyensang kulabü, khauang sepeian hoba senyüh shembü sühbü shanga, hoba haoei mailemlabü hoba ahatlabü dogo lauda. Olinbüei khümenbü deikhün ka dei khulabü, hoba Zion chia lauda, aishanga Saopobou junga nyangko kia.
12 1Ho chaloua nyi laulabü: “O kü Bou, ngei ka la nyensang kulabü, aishanga nyi kü khulimbo khauangkei, lausikei kaibü khauang sepeia, hoba nyi ngo senyühshemtia. 2Chühashi, seneibü Bou ngeibü khümenbou ki; ngei mailemlabü hoba ahatlabü, aishanga kü Bou ngeibü hau hoba ngeibü chia ki; hoba hao ngo khümenbou yeia.” 3Olinbüei nyi khümenbü deikhün ka dei khulabü. 4Ho chaloua nyi laulabü: “Seneibü Bou la nyensang kuashi, haoeibü nyena ngaashi, mütli pendou to haoeibü kümsilei ngetiashi, haoeibü nyen yaangentiko kia dogo phinthonashi. 5Seneibü Bou la chia lauashi, aishanga haoei soneikangbü kümsilei kümbei; ho kaodak pendoua ngeashi. 6Ngüh angko ngekashi hoba olinangko chia lauashi, O Zion kao kibü, aishanga Israel Saopobou—seneibü Bou—ka jungka yaangbü ki.”
