యెషయా 12

12 ¹ఆ దినమున నీవు ఇట్లందువు: "నా తండ్రీ, నేను నిన్ను స్తుతించెదను, నీవు నా మీద కోపపడితివి గాని నీ కోపము తొలగిపోయెను, నీవు నన్ను ఆదరించావు. ²ఇదిగో, మన తండ్రి నా రక్షణ; నేను నమ్ముకొందును, భయపడను, ఏలయనగా నా తండ్రి నా బలమును నా కీర్తనయునై యున్నాడు; ఆయన నా రక్షణ ఆయెను." ³మీరు ఆనందముతో రక్షణ ఊటలలోనుండి నీళ్లు చేదుకొందురు. ⁴ఆ దినమున మీరు ఇట్లందురు: "మన తండ్రికి కృతజ్ఞతాస్తుతులు చెల్లించుడి, ఆయన నామమును ప్రార్థించుడి, ఆయన కార్యములను సకల జనములకు ప్రకటించుడి, ఆయన నామము ఘనమైనదని చాటించుడి. ⁵మన తండ్రికి కీర్తన పాడుడి, ఏలయనగా ఆయన మహిమగల కార్యములు చేసియున్నాడు; ఇది భూమియందంతట తెలియబడును గాక. ⁶సీయోను నివాసీ, బిగ్గరగా కేకలు వేయుము, ఆనందముతో కీర్తన పాడుము, ఏలయనగా ఇశ్రాయేలు పరిశుద్ధుడు—మన తండ్రి—నీ మధ్యను గొప్పవాడై యున్నాడు."