Imwe Mwandibalangaza Ine
Nyimbo yakufupi ya ntsiku inatowera kutonga. Nyakuimba asatenda Baba wace mwakubveka thangwi ya ukali udabwerera na cinyaladzo cidafika, mbalonga kuti anadzakhulupira mbakhonda kugopa. Madzi asatekwa na kukondwa, pontho Ziyoni asaimba thangwi Wakucena ali pafupi.
12 1Na pa ntsiku ineyi munalonga tenepa: “Ndinakusimbani Imwe, Baba wanga, thangwi maseze mukhandikalipira Ine, ukali wanu wacoka, pontho mwandibalangaza Ine. 2Onani, Baba wathu ndi upulumuki wanga; ndinanyindira mbandigopa tayu, thangwi Baba wanga ndi mphambvu yanga na nyimbo yanga; Iye akhala upulumuki wanga.” 3Mwakutsandzaya munatunga madzi m'micera ya upulumuki. 4Na pa ntsiku ineyi munalonga tenepa: “Perekani takhuta kuna Baba wathu, cemerani dzina yace, dziwisani mabasa ace kuna mitundu yonsene, longani kuti dzina yace ndi yakukwezwa. 5Imbani nyimbo kuna Baba wathu, thangwi acita pinthu pyaumbiri; pyenepi mbipidziwike pa dziko yonsene yapantsi. 6Kuwani mwakugaluza mbimbani nyimbo mwakutsandzaya, imwe anakhala mu Sioni, thangwi Wakucena wa Izarayeli—Baba wathu—ndi Wankulu pakati panu.”
