Woakyekye Me Werɛ
Dwom tiawa bi ma da a ɛdi atemmu akyi. Dwontoni no da n'Agya ase pefee sɛ n'abufuw adan afi ne so na awerɛkyekye aba, na ɔka sɛ ɔbɛde ne ho ato no so na ɔrensuro. Wɔde anigye saw nsuo, na Sion to dwom efisɛ Ɔkronkronni no bɛn.
12 1Na saa da no wobɛka se, “Mɛkamfo wo, mʼAgya, efisɛ ɛwɔ mu sɛ wo bo fuu me de, nanso wʼabufuw no adan afi me so, na woakyekye me werɛ. 2Hwɛ, yɛn Agya ne me nkwagye; mede me ho bɛto no so, na merensuro, efisɛ mʼAgya ne mʼahoɔden ne me dwom; wayɛ me nkwagye.” 3Mode anigye bɛsaw nsu afi nkwagye abura mu. 4Na saa da no mobɛka se, “Monna yɛn Agya ase, momfrɛ ne din, monka ne nneyɛe nkyerɛ aman nyinaa, mompae mu nka sɛ ne din korɔn. 5Monto dwom mma yɛn Agya, efisɛ wayɛ nneɛma a ɛyɛ anuonyam; momma eyi nna adi wɔ asase nyinaa so. 6Teɛm denneennen na to ahurusi dwom, wo a wote Sion, efisɛ Israel Kronkronni no—yɛn Agya—yɛ kɛse wɔ wo mfinimfini.”
