ماغارادا داوودون مئکتامی
موسئقی رهبری اوچون. «محو اتمه» آهنگینده. داوودون قیزیل مزمورو، شاعولدان ماغارایا قاچدیغی زامان.
شاعول اونو آختاران زامان بئر ماغارادا گئزلَنئب، داوود دئشلری نئزه، دئللری قیلینج اولان ائنسانلار آراسیندا یاتیر. طوفان کچنه قدر آتاسینین قانادلاری آلتیندا سیغینیر، سونرا دان یِری سؤکولمه‌دن چنگ و طنبورو اویادیر، حله هچ نه دَیئشمه‌سه ده اوره‌یی مؤحکمدئر.
57 1منه مرحمتلی اول، ای آتا، منه مرحمتلی اول، چونکی جانیم سنه سیغینیر؛ محو ادن طوفانلار کچنه قدر، سنئن قانادلارین کؤلگه‌سئنده سیغیناجاغام. 2حاق-تاعالا اولان آتامی چاغیریرام، منئم اوچون اؤز هدفئنی یرئنه یتئرن آتامیزی.
3گؤیدن گؤندَ‌رئب منی خئلاص اده‌جک؛ منی تاپدالایانی دانلایار. آتام اؤز محبّتئنی و وفادارلیغینی گؤندَ‌ره‌جک. 4جانیم آصلانلار آراسیندادیر؛ اودلو نفس چکن آداملارین آراسیندا یاتیرام؛ اونلارین دئشلری نئزه و اوخلاردیر، دئللری ائتی قیلینجلاردیر. 5گؤیلرئن اوستونده اوجال، ای آتا! جلالین بوتون یر اوزونده اولسون!
6قدملرئم اوچون تور قوردولار؛ اَیئلدئم. منئم قاباغیمدا قویو قازدیلار، آمّا اؤزلری اونون ائچئنه دوشدولر. 7اوره‌یئم مؤحکمدئر، ای آتا، اوره‌یئم مؤحکمدئر! اوخویوب نغمه چالاجاغام. 8اویان، ای جلالیم! اویان، ای چنگ و طنبور! سحری اویاداجاغام. 9خالقلار آراسیندا سنه حمد اده‌جه‌یم، ای آغا آتا؛ مئلّتلر آراسیندا سنه نغمه اوخویاجاغام. 10چونکی محبّتئن گؤیلره قدر چاتیر، وفادارلیغین بولودلارا چاتیر. 11گؤیلرئن اوستونده اوجال، ای آتا! جلالین بوتون یر اوزونده اولسون!
