گَتده بئر میکتام
موسیقی رهبری اوچون: «اوزاق پالیدلاردا بئر گؤیرچئن» آهنگینه گؤره. داووددان. بئر قیزیل مزمور، فئلئسطلی‌لر اونو گَتده یاخالایاندا.
گَتده فئلئسطلی‌لر طرفئندن توتولوب گون بویو تاپدالاناراق، داوود ائسته‌یئر کی، گؤز یاشلاری بئر تولوغا ییغیلیب دفترده ساخلانسین. ائکی دفه اؤز آراملادان سؤزونو تکرار ادر: آتاما توکّول ادئرم — فانی ائنسان منه نه اده بئلر؟
56 1منه مرحمتلی اول، آتام، چونکی ائنسانلار منی تاپدالاییر؛ گون بویو بئر هوجوم ادن منی سیخیر. 2منه ضئدّ اولانلار گون بویو منی تاپدالاییر؛ چوخلاری تکبّورله منئم ضئدّئمه دؤیوشور. 3قورخان زامان، سنه توکّول ادئرم.
4آتامدا، سؤزونو مدح اتدئیئم — آتاما توکّول ادئرم؛ قورخمایاجاغام. فانی ائنسان منه نه اده بئلر؟ 5گون بویو سؤزلرئمی اَیری ادئرلر؛ منئم ضئدّئمه اولان بوتون فئکئرلری پئسدئر. 6بئر یره ییغیلیرلار، کمئنده دورورلار؛ قدملرئمی گودورلر، جانیمی آلماغی اومئد اده‌رک.
7پئسلئکلرئنه گؤره قاچیب قورتاراجاقلارمی؟ قضبله خالقلاری یره سال، آتام. 8آوارلیقلاریمی ساییبسان؛ گؤز یاشلاریمی تولوغونا قوی. مگر اونلار سنئن دفترئنده دیئل؟
9او زامان سنی چاغیراندا دوشمنلرئم گری دؤنه‌جک. بونو بئلئرم: آتام منئم طرفئمده‌دئر. 10آتامدا سؤزونو مدح ادئرم؛ آتامدا سؤزونو مدح ادئرم.
11آتاما توکّول ادئرم؛ قورخمایاجاغام. فانی ائنسان منه نه اده بئلر؟ 12نذئرلرئن منئم اوستومده‌دئر، آتام؛ سنه تشکّور قوربانلاری تقدئم اده‌جه‌یم. 13چونکی جانیمی اؤلومدن قورتاریبسان — بلی، آیاقلاریمی بودره‌دن — کی، آتامین قاباغیندا حیاتین نورو ائچئنده یرئیَم.
