آتامیز اؤز صداقتئنی خاطیرلادیر
شِکِمده آتامیز بوتون حکایه‌نی بئرئنجی شخصده نقل ادئر، چایین او تاییندا اولان ائبراهئمدن تا تئکمه‌دئکلری اِولره قدر. یوشَع بئر سچئمی طلب ادئر؛ خالق چوخ راحاتجا ائصرار ادئر و او اونلاری خبردار ادئر. بئر داش شاهئد اولاراق قویولور. سونرا او اؤلور.
24 1یوشَع ائسرایئلئن بوتون قبئله‌لرئنی شِکِمه ییغدی و اونون آغساقّاللارینی، باشچیلارینی، داورلرئنی و مأمورلارینی چاغیردی، اونلار دا آتامیزین حوضوروندا دوردولار.
2یوشَع بوتون خالقا ددی: «ائسرایئلئن تاریسی آتامیز بله دیئر: ”قدئم زامانلاردا سئزئن آتالارینیز، ائبراهئم و ناخورون آتاسی تِرَخ، فَرات چایینین او تاییندا یاشاییب باشقا آللاهلارا قوللوق اتدئلر. 3من آتانیز ائبراهئمی چایین او تاییندان گؤتوروب کَنَعان تورپاغینین هامیسیندان کچئرتدئم، اونون نسلئنی چوخالدیب اونا ائسحاقی وردئم. 4ائسحاقا یعقوب و عئسونو وردئم، عئسویا مالئک اولماق اوچون سِعئر داغینی وردئم، آمّا یعقوبلا اوغوللاری مئصئره اِندئلر.
5من موسا ائله هارونو گؤندَ‌ردئم و اونلارین آراسیندا اتدئیئم ائشلرله مئصئری ووردوم، سونرا سئزی اورادان چیخارتدیم. 6آتالارینیزی مئصئردن چیخارتدیم و سئز دهنزه چاتدینیز. مئصئرلی‌لر آتالارینیزی دؤیوش عارابالاری و آتلی‌لارلا قیرمیزی دهنزه قدر قوودولار. 7اونلار منه فریاد اتدئکده، من سئزئنله مئصئرلی‌لرئن آراسینا قارانلیق قویدوم، دهنزی اونلارین اوستونه گتئرئب اونلاری اؤرتدوم. گؤزلرئنئز مئصئرده اتدئیئمی گؤردو. سونرا سئز اوزون مودّت صحرادا یاشادینیز.
8من سئزی اوردون چایینین او تاییندا اولان اِمورلولارین تورپاغینا گتئردئم. اونلار سئزئنله دؤیوشدولر؛ من اونلاری سئزئن اَلئنئزه تسلئم اتدئم، سئز ده اونلارین تورپاغینی آلدینیز. من اونلاری قاباغینیزدان محو اتدئم. 9سونرا موآب پادشاهی صئپّور اوغلو بالاق قالخیب ائسرایئل ائله دؤیوشدو. او، سئزی لعنتله‌مَک اوچون آدام گؤندَ‌رئب بِعور اوغلو بَلعامی چاغیردی، 10آمّا من بَلعاما قولاق آسمادیم، اونا گؤره او، سئزه دؤنه-دؤنه برکت وردی، و من سئزی اونون الئندن قورتاردیم.
11سئز اوردون چایینی کچئب اَرئحایا گلدئنئز. اونون اهالئسی، یعنی اِمورلولار، پِرئزلئلر، کَنَعانلی‌لار، خئتلی‌لر، گئرگاشلی‌لار، خئولی‌لر و یِبوسلولار سئزئنله دؤیوشدولر، آمّا من اونلاری سئزئن اَلئنئزه تسلئم اتدئم. 12من سئزدن قاباق اِششَک‌چئبئنی گؤندَ‌ردئم؛ او، ائکی اِمورلو پادشاهی قاباغینیزدان قوودو؛ بو، سئزئن قیلینجینیزلا و یا کمانینیزلا اولمادی. 13من سئزه زحمت چکمه‌دئیئنئز تورپاغی، تئکمه‌دئیئنئز شهرلری وردئم و سئز اونلاردا یاشایارسینیز؛ اَکمه‌دئیئنئز اوزوملوکلردن و زیتونلوقلاردان یِیئرسئنئز.“
14ائندی آتامیزدان قورخون، اونا صداقت و وفا ائله قوللوق ائدئن. آتالارینیزین چایین او تاییندا و مئصئرده قوللوق اتدئکلری آللاهلاری آرادان قالدیرین و آتامیزا قوللوق ائدئن. 15آمّا اگر آتامیزا قوللوق اتمک گؤزونوزده پئس گلئرسه، بو گون اؤزونوزه سچئن کی، کئمه قوللوق اده‌جکسئنئز: آتالارینیزین چایین او تاییندا قوللوق اتدئکلری آللاهلارا، یوخسا تورپاغیندا یاشادیغینیز اِمورلولارین آللاهلارینا. آمّا من و اِو اهلئم، بئز آتامیزا قوللوق اده‌جیئک.»
16خالق جاواب وردی: «قطعن بئز آتامیزی ترک ادئب باشقا آللاهلارا قوللوق اتمه‌رئک. 17چونکی بئزی و آتالاریمیزی مئصئر تورپاغیندان، نؤکرچئلئک اِوئندن چیخاردان و گؤزلرئمئزئن قاباغیندا بو بؤیوک علامتلری گؤرسه‌دن آتامیزدیر. او بئزی گتدئیئمئز بوتون یوللاردا و کچدئیئمئز بوتون خالقلارین آراسیندا سالامات ساخلادی. 18آتامیز بوتون خالقلاری، او جومله‌دن تورپاقدا یاشایان اِمورلولاری دا قاباغیمیزدان قوودو. بئز ده اونا قوللوق اده‌جیئک، چونکی او، بئزئم آتامیزدیر.»
19یوشَع خالقا ددی: «سئز آتامیزا قوللوق اِده بئلمزسئنئز، چونکی او، موقدّس بئر تاریدیر، قیرتلی بئر تاریدیر. او سئزئن عوصیانینیزی و گوناهلارینیزی باغیشلاماز. 20اگر آتامیزی ترک ادئب یاد اِللی آللاهلارا قوللوق اتسه‌نئز، او دؤنوب سئزه زئیان یتئرَر و سئزه یاخشیلیق اتدئکدن سونرا سئزی محو اده‌جک.»
21آمّا خالق یوشَعه ددی: «یوخ! بئز آتامیزا قوللوق اده‌جیئک.»
22اوندا یوشَع خالقا ددی: «سئز اؤز ضئدّئنئزه شاهئدسئنئز کی، آتامیزی سِچدئنئز و اونا قوللوق اده‌جکسئنئز.» اونلار ددئلر: «شاهئدئک.»
23«ائندی آرانیزداکی یاد اِللی آللاهلاری آرادان قالدیرین و اورَکلرئنئزی ائسرایئلئن تاریسی آتامیزا طرف دؤندَ‌رئن.»
24خالق یوشَعه ددی: «بئز آتامیزا قوللوق اده‌جیئک و اونون سَسئنه قولاق آساجاغیق.»
25یوشَع او گون خالقلا عهد باغلادی و شِکِمده اونلار اوچون بئر قانون و حؤکم تعیئن اتدی. 26یوشَع بو سؤزلری آتامیزین شرئعت کئتابیندا یازدی، سونرا بؤیوک بئر داش گؤتوروب آتامیزین موقدّس مکانی یانیندا اولان پالیدین آلتیندا اورادا قویدو.
27یوشَع خالقین هامیسینا بله ددی: «باخین، بو داش بئزئم ضئدّئمئزه شاهئد اولاجاق، چونکی آتامیزین بئزه ددئیی هر سؤزو او اشئتدی. بو داش سئزئن ده ضئدّئنئزه شاهئد اولاجاق کی، آتانیزی ائنکار اتمیه‌سئنئز.» 28سونرا یوشَع خالقی یولا سالدی، هر کس اؤز ائرث تورپاغینا گتدی.
آتانین قولو یوشَع راحاتلیق تاپیر
29بوندان سونرا آتامیزین قولو نون اوغلو یوشَع یوز اون یاشیندا اؤلدو. 30اونو اِفرایئمئن داغلیق بؤلگه‌سئنده، گاعَش داغینین شئمالیندا اولان تئمنَت‌سِره‌خده، اؤز ائرث تورپاغیندا دفن اتدئلر. 31ائسرایئل، یوشَعئن یاشادیغی بوتون گونلرده و اوندان آرتیق عؤمور سورَن، آتامیزین ائسرایئل اوچون گؤردویو بوتون ائشلری بئلن آغساقّاللارین بوتون گونلرئنده آتامیزا قوللوق اتدی. 32یوسئفئن سوموکلرئنی کی، ائسرایئل اؤولادلاری مئصئردن گتئردئلر، یعقوبون یوز پارچا گوموشه شِکِمئن آتاسی خَمورون اؤولادلاریندان ساتین آلدیغی زمئده، شِکِمده دفن اتدئلر؛ بورا یوسئفئن نسلئنئن ائرث تورپاغی اولدو. 33هارون اوغلو اِلعازار دا اؤلدو، اونو اِفرایئمئن داغلیق بؤلگه‌سئنده اوغلو پئنِخاسا ورئلن گئبعادا دفن اتدئلر.
