طاماحدان دوغان عداوت
داعوالار ائچده‌کی ساواشان طاماحلاردان گلئر؛ دئله‌مه‌دئکلری اوچون اونلاردا یوخدور، دئله‌دئکلرئنده ده یامان دئله‌یئرلر. دونیا ائله دوستلوق آتامیزا دوشمنچئلئکدئر، آمّا او داها چوخ فیض وِرَر. اونا یاخینلاشین، و صاباح اوچون پلان قورماقدان اَل چکئن، سانکی حیات بئر دومان دیئل.
4 1آرانیزدا اولان موحارئبه‌لر و دؤیوشلر هارادان گلئر؟ مگر ائچئنئزده دؤیوشَن طاماحلارینیزدان دیئل؟ 2ائسته‌یئرسئنئز، آمّا یوخدور، اونا گؤره اؤلدورورسونوز. طاماح سالیرسینیز، آمّا اله گتئره بئلمئرسئنئز، اونا گؤره داعوالاشیب دؤیوشورسونوز. دئله‌مه‌دئیئنئز اوچون سئزده یوخدور. 3دئله‌یئرسئنئز، آمّا آلمیرسینیز، چونکی یامان نئیّتله دئله‌یئرسئنئز کی، اؤز لذّتلرئنئزه خرجله‌یه‌سئنئز. 4ای زئناکارلار! مگر بئلمئرسئنئز کی، دونیا ائله دوستلوق آتامیزا دوشمنچئلئکدئر؟ دونیایا دوست اولماغی سچن هرکس آتامیزا دوشمن اولور. 5یوخسا موقدّس کئتاب بوش یره دیئر کی، ائچئمئزده قویدوغو روح قیسقانجلیقلا حسرت چکر؟ 6آمّا او داها چوخ فیض وِرَر. اونا گؤره موقدّس کئتاب دیئر: «آتامیز مغرورلارا قارشی دورار، آمّا باشی‌آشاغی اولانلارا فیض وِرَر.»
7بله‌جه آتامیزا تابع اولون. ائبلئسه موقاوئمت ادئن، او دا سئزدن قاچار. 8آتامیزا یاخینلاشین، او دا سئزه یاخینلاشار. اللرئنئزی تمئزله‌یئن، ای گوناهکارلار؛ اورَکلرئنئزی پاک ادئن، ای فئکرئنده ثابئت اولمایانلار. 9کَدَرلَنئن، یاس توتون و آغلایین. گولوشونوزو یاسا و شادلیغینیزی غمه چِوئرئن. 10آتامیزین حوضوروندا اؤزونوزو موته‌واضِع ادئن، او دا سئزی اوجالدار.
11بئربئرئنئزئن ضئدّئنه دانیشمایین، ای قارداشلار. بئر قارداشینین ضئدّئنه دانیشان یا دا اونا حؤکم ادن هرکس، شرئعتئن ضئدّئنه دانیشیر و شرئعته حؤکم ادر. آمّا اگر شرئعته حؤکم اتسن، شرئعته عمل ادن دیئلسن، بلکه اونا حؤکم ادرسن. 12شرئعت ورن و حؤکم ادن یالنیز بئردئر؛ خئلاص اتمه‌یه یا دا هلاک اتمه‌یه قادئردئر. سن کئمسن کی، قونشونا حؤکم ادرسن؟
صاباح حاقّیندا فخر اتمه‌یئن
13ائندی قولاق آسین، سئز کی، دیئرسئنئز: «بو گون یا صاباح فئلان شهره گده‌جیئک، اورادا بئر ائل قالیب تئجارت اده‌جه‌یئک و قازانج اده‌جه‌یئک.» 14صاباح نه گتئره‌جه‌یئنی بئلمئرسئنئز. حیاتینیز نه‌دئر؟ چونکی سئز بئر بوخارسینیز کی، آز بئر زامان گؤرونوب سونرا یوخ اولور. 15بونون عوضئنه گرک دیئه‌سئنئز: «اگر آتامیز ائسته‌سه، یاشایاجاغیق و فئلان ائشی اده‌جه‌یئک.» 16آمّا ائندی سئز تکبّورونوزده فخر ادئرسئنئز. بو جور فخرئن هامیسی پئسدئر. 17بله‌جه، یاخشیلیق اتمه‌یی بئلئب اونو اتمه‌یَن هرکس اوچون بو گوناهدیر.
