اورشلئمئن قان تؤکمه‌سی آشکارا چیخیر
اورشلئمئن ضئدّئنه بئر اتّئهام سیاهیسی: قان تؤکَن آغالار، حقارته اوغرایان آتا-آنالار، سیخیشدیریلان قرئبلر، موقدّسله عادئنی قاریشدیران کاهئنلر، بوتون بونلاری اؤرت-باسدیر ادن پیغمبرلر. آتامیز دیئر کی، تورپاق اوچون گَدئکده دایاناجاق بئر آدام آختاردی، آمّا هچ کس تاپمادی.
22 1آتامیزین سؤزو منه نازئل اولدو:
2ای بشر اوغلو، محاکئمه اده‌جکسن؟ قان تؤکَن شهری محاکئمه اده‌جکسن؟ اوندا اونا بوتون ائیرنج ائشلرئنی گؤرست. 3دِه: پروردئگار آتا بله دیئر: ای اؤز ائچئنده قان تؤکَن شهر، واختین چاتیب، اؤزون اوچون بوتلر دوزَ‌لدئب نجئس اولورسان. 4تؤکدویون قانا گؤره تقصئرکارسان، دوزَلتدئیئن بوتلره گؤره نجئس اولوبسان. سونونو یاخینا گتئرئبسن، ائللرئنئن سونونا چاتیبسان. اونا گؤره سنی مئلّتلره رسوا، بوتون اؤلکه‌لره کئنایه هدفی اده‌جیم. 5سنه یاخین و سندن اوزاق اولانلار سنی لاغا قویاجاقلار، ای نجئس آدلی، قاریشیقلیقلا دولو شهر.
6باخ، ائچئنده‌کی ائسرایئلئن هر آغاسی اؤز قودرتئنی قان تؤکمک اوچون ائشله‌دئر. 7سنده آتا-آنایا حقارتله باخدیلار؛ سنده قرئبه ظولم اتدئلر؛ سنده یتئمه و دولا حاقسیزلیق اتدئلر. 8منئم موقدّس شیلرئمه حقارت اتدئن و سَبّتلرئمی لَکه‌له‌دئن. 9سنده قان تؤکمک اوچون بؤهتانچیلار وار؛ سنده داغ معبدلرئنده یئیَنلر و سنئن ائچئنده ائیرنج ائشلر گؤرَنلر وار. 10سنده آتالارینین آروادلاری ائله یاتیرلار؛ سنده آیباشی نجئسلئیی واختیندا اولان آروادلاری ذلئل ادئرلر. 11بئری قونشوسونون آروادی ائله ائیرنج ائش گؤرور؛ باشقاسی گلئنئنی ائیرنجلئکله نجئس ادئر؛ باشقاسی دا باجیسینی، آتاسینین قیزینی ذلئل ادئر. 12سنده قان تؤکمک اوچون روشوت آلیرلار؛ سَلَم آلیرسان، حددن آرتیق منفعت گودورسن، قونشولاریندان حاقسیز قازانجی زورلا آلیرسان. منی ده یاددان چیخاردیبسان، پروردئگار آتا بله بویورور.
13ائندی باخ، اتدئیئن حاقسیز قازانجا و ائچئنده تؤکدویون قانا گؤره اَللرئمی بئر-بئرئنه چیرپیرام. 14سنئنله رفتار اتدئیئم گون جسارتئن داوام گتئرر، اَللرئن قووّتلی قالار؟ من، آتان، دمئشم و اده‌جیم. 15سنی مئلّتلر آراسیندا داغیداجاغام، اؤلکه‌لره سَپه‌جه‌یم و نجئسلئیئنی سنئن ائچئندن تمئزله‌یه‌جه‌یم. 16مئلّتلرئن قاباغیندا نجئس اولاندان سونرا بئله‌جکسن کی، آتان منم.
17سونرا آتامیزین سؤزو منه نازئل اولدو:
18ای بشر اوغلو، ائسرایئل نسلی منئم اوچون یانیغا دؤنوب؛ هامیسی کوره‌نئن ائچئنده مئس، قالای، دمئر، قورغوشوندور، گوموشون یانیغی‌دیر. 19بونا گؤره پروردئگار آتا بله دیئر: سئز هامینیز نجئسلئیه دؤندویونوز اوچون، سئزی اورشلئمئن ائچئنه ییغاجاغام. 20نجه کی گوموش، مئس، دمئر، قورغوشون و قالای کوره‌نئن ائچئنه ییغیلیر و ارئسئن دیه اوستونه اود اوفورولور، بله‌جه ده سئزی قضبئم و قهرئمله ییغاجاغام، اورایا قویوب ارئده‌جه‌یم. 21سئزی ییغاجاغام و قضبئمئن اودو ائله اوستونوزه اوفوره‌جه‌یم، سئز ده اونون ائچئنده ارئیه‌جکسئنئز. 22نجه کی گوموش کوره‌ده ارئیئر، سئز ده اونون ائچئنده ارئیه‌جکسئنئز. او واخت بئله‌جکسئنئز کی، من، آتانیز، قهرئمی سئزئن اوستونوزه تؤکدوم.
23گئنه آتامیزین سؤزو منه نازئل اولدو:
24ای بشر اوغلو، اونا دِه: سن تمئزلنمه‌مئش، قضب گونونده اوستونه یاغیش یاغمامیش بئر تورپاقسان. 25اونون نبئلری بئرلئکده سوءقصد قورورلار، شئکاری پارچالایان نعره چکن بئر آصلان کئمی‌دئرلر؛ جانلاری یئیئرلر، خزئنه و قئیمتلی شیلری اَله کئچئرئرلر و اونون ائچئنده چوخلو دول قویورلار. 26اونون کاهئنلری منئم شرئعتئمی پوزدولار و موقدّس شیلرئمی لَکه‌له‌دئلر؛ موقدّسله عادی شیلر آراسیندا فرق قویمادیلار، نجئس و پاک آراسیندا فرقی اؤیرتمه‌دئلر و گؤزلرئنی سَبّتلرئمدن گئزلتدئلر، بله‌جه اونلارین آراسیندا لَکه‌لَنئرم. 27اونون باشچیلاری شئکاری پارچالایان قوردلار کئمی‌دئرلر، قان تؤکورلر، حاقسیز قازانج اوچون جانلاری محو ادئرلر. 28اونون نبئلری بو ائشی اونلار اوچون یالان رؤیالار و یالانچی فالچیلیقلا آغارتدیلار و «تاری بله دیئر» ددئلر، حال‌بوکی آتامیز دانیشمامیشدی. 29اؤلکه‌نئن خالقی ظولم و سویغونچولوق ادئرلر؛ کاسیب و مؤحتاجا ظولم ادئرلر و قرئبه عدالت گؤسترمئرلر.
30اونلارین آراسیندا بئر آدام آختاردیم کی، دوواری تئکسئن و اؤلکه اوچون یاریقدا منئم قاباغیمدا دورسون کی، اونو محو اتمه‌یئم، آمّا هچ کئمی تاپمادیم. 31بونا گؤره قضبئمی اونلارین اوستونه تؤکدوم، قهرئمئن اودو ائله اونلاری یاندیریب یاخدیم. یوللارینی اؤز باشلارینا گتئردیم، پروردئگار آتا بله بویورور.
