詩篇 86

86 ¹ 我嘅父啊,求你側耳聽我;求你應允 我,因為我又困苦又貧窮。

² 求你保守我嘅性命,因為我係忠於你嘅; 求你拯救倚靠你嘅僕人——你 係我嘅父。 ³ 我至高嘅父啊,求你恩待我,因為我成日向你呼求。 ⁴ 求你使你僕人嘅 心歡喜,因為我至高嘅父啊,我向你舉起我嘅心。

⁵ 我至高嘅父啊,因為你本為良善,樂意饒恕人, 對凡呼求你嘅人大有盟約嘅慈愛。 ⁶ 我嘅父啊,求你聆聽我嘅禱告;側耳聽我懇求憐憫嘅聲音。 ⁷ 我遇到患難嘅時候,我就 向你呼求,你必應允我。

⁸ 眾神之中冇一個好似你, 我至高嘅父啊,你嘅作為都冇一樣及得上。 ⁹ 你所造嘅萬國 都要嚟到你面前俯伏敬拜,我至高嘅父啊,佢哋要榮耀你嘅名。 ¹⁰ 因為你至大,行奇妙嘅事;惟獨你係我嘅父。

¹¹ 我嘅父啊,求你將你嘅道路指教我,使我行喺你嘅真理入面; 求你賜我一顆專一嘅心, 好敬畏你嘅名。 ¹² 我至高嘅父啊,我要一心一意讚美你, 我要永遠榮耀你嘅名。 ¹³ 因為你向我所施嘅盟約嘅慈愛係咁大; 你曾經拯救我嘅性命脫離陰間嘅深處。 ^a a v13 陰間係希伯來文對死人所在之地嘅稱呼,被描繪為想像中最深嘅地方。

¹⁴ 我嘅父啊,狂傲嘅人起嚟攻擊我;一班殘暴嘅人尋索我嘅性命, 佢哋都唔將你放喺眼內。 ¹⁵ 但係我至高嘅父啊,你係有憐憫、有恩典嘅父, 唔輕易發怒,大有盟約嘅慈愛同信實。 ¹⁶ 求你轉向我,恩待我;求你將你嘅力量賜俾你嘅僕人, 拯救你婢女嘅兒子。 ¹⁷ 求你向我顯出你恩待我嘅憑據,使恨我嘅人睇見就羞愧, 因為我嘅父啊,你幫助咗我,安慰咗我。