Kayomisetap Kwandanyo ne po Chametapkei ak Weekset
Ye tagomi Jeremiah karariitap riibindet, kogas ng'olyoot ne po aeng' ne punu Kwandanyo: guurwo, ak aiyawol anee. Ortinwek che ki kabata lugeet koibtoe kutigap murenjotet kogeny, kolaitoran Temeet ne po imanda ne po Daudi, ak arorutyet ne po peetuut ak kemeut ko gimitei nooto.
Ng'alaali Kwandanyo eng' mustarisyek 3, 5–18, 20–22, 24–26
33 1Ki nyoonji ng'olyoondetap Kwandanyo Jeremiah konyil aeng', ye kingo ta komi ineendet eng' karariitap ngutunikap riibindet: 2Ko uu ni kole Kwandanyo—toiyotap ng'wony, ne chobei si kogimit—Kwandanyo ko kainennyi:
3Guurwo, aiyawol anee, ak amwaun tuguuk che chaang' ak che unoot che mongen.
4Amu mwaei Kwandanyo ne po Israel ko uu ni agobo kooriik che po nganasani ak koorigap laitorinigap Judah, che ki kiguber si kooter kobunji iryaganutap lugeet ak rotweet:
5Pwoonei kolugei ak Babiloniik, ago koeng'oti koorichuuto muuswegap piik che ki abar eng' angeet ak nereegek, amu ki auny tainnyu eng' nganasani agobo yaitwogikwak tugul. 6Ogeero, anyoorchi nganasani chametapkei ak komyee po mugo; asoop piikyuk ak aboorchi icheek kaalyeet ne chaang' ne meng'iisye ak imanit. 7Aweekyini Judah kaboiboennyi ak Israel kaboiboennyi, ak ateech icheek ko uu ye ki tai. 8Atiliil icheek eng' yaitwogik tugul che ki ongelelji, ak anyiny icheek yaitwogik tugul che ki ongelelji ak che ki orebe. 9Egu nganasani eng' tainnyu kainetap poiboiyet, lasiset ak toroornatet eng' taitap pororyosyek tugul che po ng'wony che kasei tugul che myee che ayachi icheek. Potandos ak kibotanso agobo tuguuk che myee tugul ak kaalyeet che anyoorchi.
10Mwaei Kwandanyo ko uu ni: Eng' komosoni ne omwae ile kagoriik, ne ma mi chii anan tyony, eng' nganasoogap Judah ak ortinwegap Jerusalem che unoot kobkuberot, che ma mi chii, che ma mi punootyot, che ma mi tyony, kogas kogeny. 11Kutitap poiboiyet ak kutitap kagasetapkei, kutitap sandet ak kutitap murereet, kutitap che ipchi kagochinoisyekap kongoi kootap Kwandanyo, koleen, ‘Ogoochini Kwanda ne po lugosyegap kipsengwet kongoi, amu myee ineendet; tebyei rireenennyi koigeny.’ Amu aweekyini emet kaboiboennyi ko uu ye ki tai, mwaei Kwandanyo.
12Mwaei Kwanda ne po lugosyegap kipsengwet ko uu ni: Kogeny, eng' komosoni ne kagoriik—ne ma mi piik ak tyong'ik—ak eng' nganasookyik tugul, kinyalilso mestoweek keechiirekwak eng' susweek. 13Eng' nganasoogap emetap tuloonook, Shefela, Negeb, emetap Benjamin, komoswegap Jerusalem, ak nganasoogap Judah, kobaruni kogeny keechiirek eng' eunegap ne ikwoe icheek, mwaei Kwandanyo. a a v13 Shefela: komoswegap tuloonook che ng'wony che po Judah ne po tai kong'asiis, kwenutap tuloonook che po kwenut ak komoswek che koroonjin nyanjet.
14Ogeero, pwoonei peetuusyek, mwaei Kwandanyo, che asuldani kayomiset ne myee ne ki amwachi kootap Israel ak kootap Judah. 15Eng' peetuusyechooto ak eng' sainooto ayachi Daudi temeet ne po imanda koyes, ak koyai kirwooget ak imanda eng' emet. b b v15 Temeet: kainetap Mesia ne po laitoryat ne po imanda ne kiyomisyi ne pwoonei eng' kapchiitap Daudi. 16Eng' peetuusyechooto kesaru Judah ak komeny Jerusalem eng' kaalyeet. Ak ni ko kainennyi ne kiguure: ‘Kwandanyo ko imandanyo.’
17Amu mwaei Kwandanyo kole: Ma petenen Daudi chiito ne tebee ng'echereetap laitornatet ne po kootap Israel. 18Ma petenen tisiik che Lawiik chiito ne mi tainnyu ne igoitoi kagochinoisyek che neran, ak kobunji kagochinoisyekap minutik, ak koyai tiseiywek, koigeny.
19Ki nyoonji ng'olyoondetap Kwandanyo Jeremiah:
20Mwaei Kwandanyo ko uu ni: Ngot imuuchi iput kayomisennyu kobooto peetuut ak kayomisennyu kobooto kemeut, si mapwonei kogeny peetuut ak kemeut eng' sainywa ne ki king'at, 21yeityo kemuuchi kebut kayomisennyu kobooto Daudi otwogindennyu—si maalei weeriinnyi ne kirwoogei eng' ng'echereetap laitornatennyi—ak kayomisennyu kobooto tisiik che Lawiik che boisyechini anee. 22Ko uu ye mamuuchi keikwo kecheigap kipsengwet, ak mamuuchi kekwoyon ng'aniegap nyanjet, ko uu nooto achaang'ani iyoteetap Daudi otwogindennyu ak Lawiik che boisyechini anee.
23Ki nyoonji ng'olyoondetap Kwandanyo Jeremiah:
24Tos maiger ne mwaei pichu koleen: ‘Oreegik aeng' che ki iwir Kwandanyo, kaeesyo’? Eesyoi icheek piikyuk, mabo kogeny pororyet eng' tainnywa. 25Mwaei Kwandanyo ko uu ni: Ngot ki ma ande kayomisennyu kobooto peetuut ak kemeut ak ng'atuutik che kigimit che po kipsengwet ak ng'wony, 26yeityo aeesye iyoteetap Jakobo ak ne po Daudi otwogindennyu, ame week kotun eng' kapchiinnyi laitorinik che po iyoteetap Abraham, Isak, ak Jakobo. Ago aweekyini icheek kaboiboennywa ak aboorchi icheek rireenet.