Tisiindet ne Yachei Piik Komyee
Kilewen tisiik eng' Kwandanyo ma kityo ineegei, ak kimuuch koek che chamgei amu kaboiygei kobooto nyalulet. Ki kitoroor Kristo ko uu nooto agine, ak koneet kasetap iit eng' tuguuk che ki kityem. Yeityo kopesyo siruut eng' aiimiset: ki okanyool oek koneetisyen rani, ago omache cheego ko uu lagok.
Ng'alaali Kwandanyo eng' mustarisyek 5–6
5 1Tisiindet ne oo age tugul ne kinam eng' kwenutap piik, kilewen agobo piik eng' ng'aleek che po Kwandanyo, si kogoito kagoochinoik ak tiseiywek agobo tengek. 2Imuuch koyachi komyee piik che ma ngen ak che petoti, amu ineendet kora kagoriikyi nyalulet. 3Amu nyaluldonooto, kanyool kogoito tiseiywek agobo tengek—agobo piik ak agobo ineegei kora. 4Ma namei chii age tugul teegistonooto agobo ineegei, ago kityo ye kiguure Kwandanyo, ko uu ye ki kiguure Aron.
5Nooto anyun agine, ma kitoroorchigei Kristo ineegei si koek tisiindet ne oo, ago ki toroor ineendet ne ki leenji: “Inyee Weeriinnyu; rani kaasich inyee.”
6Ko uu ye mwaei agine komosta age, “Inyee tisiindet ne wendi agoi koigeny, ko uu ortinwekyik che po Melkisedek.” a a v6 Melkisedek, tisiindet ak laitoryat ne ki koberuur Abraham (Gen 14:18–20); ne ma tinyei toretet ne kisirto anan let, taayutyet ne po tiseinatetap Kristo ne wendi agoi koigeny.
7Eng' saboondanyi ne po ng'wony, ki igoito Jeso saautik ak soomisyek—kobooto riirek che oo ak peegap koonyek—koba ineendet ne imuuch kosar ineendet eng' meet, ak kigas agobo kaiyweisyennyi ne po Kamuktaindet. 8Agot ko ki Weeriit, ko ki neet kasetap iit eng' tuguuk che ki kityem. 9Ak ye kigeesunot ineendet, ko kagoek ineendet ole punu yetunetap koigeny agobo tugul che kase iit ineendet, 10ye kigoguure Kwandanyo koek tisiindet ne oo ko uu ortinwekyik che po Melkisedek.
Cheego anan Amitwogik che Yomegei
11Kitinye ng'aleek che chaang' che kimwae agobo nooto, che uueen keboor, amu kagomerees okweek eng' kasetap iit. 12Amu agot ko nyolu oegu okweek kaneetik rani, omache chii age ne koneet okweek kogeny tuguuk che tai che po ng'olyootap Kwandanyo. Kagoek omache cheego, ma amitwogik che yomegei. 13Chii age tugul ne sabei eng' cheego ko ma tinyei naet eng' ng'olyootap imanda, amu lakwa ineendet. 14Ago amitwogik che yomegei ko po matubaruuk, che kiga kisiik pwaatutikwak eng' iboisyee si koobeesyo ne myee ak ne ya.