ଅବଶିଷ୍ଟ ଲୋକମାନେ ମିସରକୁ ପଳାୟନ କରନ୍ତି
ଯୋହାନନ୍ ଓ ଅନ୍ୟମାନେ ଯିରିମୀୟଙ୍କୁ ମିଥ୍ୟାବାଦୀ କହନ୍ତି, ଆମ୍ଭମାନଙ୍କ ପିତା ତାଙ୍କୁ ପଠାଇଛନ୍ତି ବୋଲି ଅସ୍ୱୀକାର କରନ୍ତି, ଓ ବାରୂକଙ୍କୁ ଦୋଷ ଦିଅନ୍ତି, ତାʼପରେ ସମସ୍ତ ଅବଶିଷ୍ଟ ଲୋକଙ୍କୁ ମିଶରକୁ ନେଇଯାଆନ୍ତି, ଯିରିମୀୟ ମଧ୍ୟ ସେମାନଙ୍କ ମଧ୍ୟରେ। ତହପନ୍ହେଷରେ ସେ ଯେଉଁଠାରେ ନବୂଖଦ୍ନିତ୍ସରଙ୍କ ସିଂହାସନ ରହିବ ସେଠାରେ ପଥର ପୋତନ୍ତି। ଯେଉଁ ବିପଦରୁ ସେମାନେ ପଳାଇଲେ ତାହା ସେମାନଙ୍କ ପଛେ ପଛେ ଆସୁଛି।
43 1ଯେତେବେଳେ ଯିରିମିୟ ସମସ୍ତ ଲୋକଙ୍କୁ ସେମାନଙ୍କ ପିତାଙ୍କ ସମସ୍ତ ବାକ୍ୟ, ଅର୍ଥାତ୍ ସେମାନଙ୍କ ପିତା ସେମାନଙ୍କ ନିକଟରେ କହିବା ନିମନ୍ତେ ତାହାଙ୍କୁ ଯେଉଁ ସମସ୍ତ ବାକ୍ୟ ପ୍ରେରଣ କରିଥିଲେ, ତାହା କହି ସମାପ୍ତ କଲେ, 2ସେତେବେଳେ ହୋଶୟୀୟର ପୁତ୍ର ଅସରିୟ, କାରେହର ପୁତ୍ର ଯୋହାନନ୍ ଓ ସମସ୍ତ ଅହଙ୍କାରୀ ଲୋକ ଯିରିମିୟଙ୍କୁ କହିଲେ, “ତୁମ୍ଭେ ମିଥ୍ୟା କହୁଅଛ! ‘ତୁମ୍ଭେମାନେ ବାସ କରିବା ନିମନ୍ତେ ମିସରକୁ ଯାଅ ନାହିଁ’ ବୋଲି କହିବା ପାଇଁ ଆମ୍ଭମାନଙ୍କ ପିତା ତୁମ୍ଭକୁ ପ୍ରେରଣ କରି ନାହାନ୍ତି। 3ମାତ୍ର ଆମ୍ଭମାନଙ୍କୁ ବଧ କରିବା ନିମନ୍ତେ ବା ବାବିଲକୁ ବନ୍ଦୀ କରି ନେବା ନିମନ୍ତେ କଲ୍ଦୀୟମାନଙ୍କ ହସ୍ତରେ ସମର୍ପଣ କରିବା ପାଇଁ ନେରୀୟର ପୁତ୍ର ବାରୂକ ଆମ୍ଭମାନଙ୍କ ବିରୁଦ୍ଧରେ ତୁମ୍ଭକୁ ପ୍ରବର୍ତ୍ତାଉଅଛି।”
4ଏହିରୂପେ କାରେହର ପୁତ୍ର ଯୋହାନନ୍, ସମସ୍ତ ସୈନ୍ୟାଧିପତି ଓ ସମସ୍ତ ଲୋକ ଯିହୂଦା ଦେଶରେ ବାସ କରିବା ବିଷୟରେ ଆମ୍ଭମାନଙ୍କ ପିତାଙ୍କ ରବ ମାନିଲେ ନାହିଁ। 5ମାତ୍ର କାରେହର ପୁତ୍ର ଯୋହାନନ୍ ଓ ସମସ୍ତ ସୈନ୍ୟାଧିପତି ଯିହୂଦାର ଯେଉଁ ଅବଶିଷ୍ଟ ଲୋକମାନେ ଛିନ୍ନଭିନ୍ନ ହୋଇ ଯେସମସ୍ତ ଦେଶକୁ ଯାଇଥିଲେ, ସେସ୍ଥାନରୁ ଯିହୂଦା ଦେଶରେ ବାସ କରିବା ନିମନ୍ତେ ଫେରି ଆସିଥିଲେ, ସେମାନଙ୍କୁ ନେଲେ, 6ଅର୍ଥାତ୍, ପୁରୁଷ, ସ୍ତ୍ରୀ, ବାଳକ, ରାଜକନ୍ୟାଗଣ ଓ ପ୍ରହରୀବର୍ଗର ସେନାପତି ନବୂଷରଦନ୍ ଶାଫନ୍ର ପୌତ୍ର ଅହୀକାମର ପୁତ୍ର ଗଦଲୀୟଙ୍କ ନିକଟରେ ଯେଉଁ ସମସ୍ତ ଲୋକଙ୍କୁ ଛାଡ଼ି ଯାଇଥିଲେ, ସେସମସ୍ତଙ୍କୁ, ପୁଣି ଯିରିମିୟ ଭବିଷ୍ୟଦ୍ବକ୍ତା ଓ ନେରୀୟର ପୁତ୍ର ବାରୂକଙ୍କୁ ନେଲେ। 7ଏଣୁ ସେମାନେ ଆମ୍ଭମାନଙ୍କ ପିତାଙ୍କ ରବ ନ ମାନି ମିସର ଦେଶରେ ପ୍ରବେଶ କଲେ, ଆଉ ତହ୍ପନ୍ହେଷ ପର୍ଯ୍ୟନ୍ତ ଆସିଲେ।
8ଏଥିଉତ୍ତାରେ ତହ୍ପନ୍ହେଷରେ ଯିରିମିୟଙ୍କ ନିକଟରେ ଆମ୍ଭମାନଙ୍କ ପିତାଙ୍କ ବାକ୍ୟ ଉପସ୍ଥିତ ହେଲା, ଯଥା—
9“ତୁମ୍ଭେ ଆପଣା ହସ୍ତରେ କେତେକ ବଡ଼ ବଡ଼ ପ୍ରସ୍ତର ନେଇ ଯିହୂଦାର ଲୋକମାନଙ୍କ ସାକ୍ଷାତରେ ତହ୍ପନ୍ହେଷସ୍ଥ ଫାରୋର ଗୃହ ଦ୍ଵାର ନିକଟସ୍ଥ ଇଟାର ଚଟାଣରେ, ମୃତ୍ତିକା ମଧ୍ୟରେ ତାହା ଲୁଚାଇ ରଖ। 10ଆଉ ସେମାନଙ୍କୁ କୁହ, ‘ବାହିନୀଗଣର ପିତା, ଇସ୍ରାଏଲର ପିତା ଏହି କଥା କହନ୍ତି: ଦେଖ, ଆମ୍ଭେ ଲୋକ ପଠାଇ ଆପଣା ଦାସ ବାବିଲର ରାଜା ନବୂଖଦ୍ନିତ୍ସରକୁ ଅଣାଇବା, ପୁଣି ଆମ୍ଭେ ଏହିଠାରେ ଯେଉଁ ପ୍ରସ୍ତରସବୁ ଲୁଚାଇ ରଖିଅଛୁ, ତହିଁ ଉପରେ ଆମ୍ଭେ ତାହାର ସିଂହାସନ ସ୍ଥାପନ କରିବା; ଆଉ ସେ ତହିଁ ଉପରେ ଆପଣା ରାଜକୀୟ ଚନ୍ଦ୍ରାତପ ବିସ୍ତାର କରିବ। 11ପୁଣି ସେ ଆସି ମିସର ଦେଶକୁ ଆଘାତ କରିବ; ମୃତ୍ୟୁ ପାଇଁ ନିରୂପିତ ଲୋକ ମୃତ୍ୟୁକୁ, ବନ୍ଦୀତ୍ଵ ପାଇଁ ନିରୂପିତ ଲୋକ ବନ୍ଦୀତ୍ଵକୁ ଓ ଖଡ଼୍ଗ ପାଇଁ ନିରୂପିତ ଲୋକ ଖଡ଼୍ଗକୁ ସମର୍ପିତ ହେବେ। 12ଆଉ ଆମ୍ଭେ ମିସରୀୟ ଦେବତାଗଣର ମନ୍ଦିରସମୂହରେ ଅଗ୍ନି ଲଗାଇବା; ପୁଣି ସେ ସେହିସବୁ ଦଗ୍ଧ କରିବ ଓ ସେମାନଙ୍କୁ ବନ୍ଦୀ କରି ନେଇଯିବ; ଆଉ ମେଷପାଳକ ଯେପରି ଆପଣା ବସ୍ତ୍ର ଘୋଡ଼ାଇ ହୁଏ, ସେପରି ସେ ମିସର ଦେଶକୁ ଆପଣାକୁ ଘୋଡ଼ାଇବ, ପୁଣି ସେ କୁଶଳରେ ସେଠାରୁ ପ୍ରସ୍ଥାନ କରିବ। 13ସେ ମିସର ଦେଶସ୍ଥ ହେଲିୟୋପଲିସର ପବିତ୍ର ସ୍ତମ୍ଭସମୂହ ଭାଙ୍ଗି ପକାଇବ ଓ ମିସରୀୟ ଦେବତାଗଣର ମନ୍ଦିରସମୂହ ଅଗ୍ନିରେ ଦଗ୍ଧ କରିବ।’” a a v13 ଏଠାରେ “ବେଥ୍-ଶେମଶ” (“ସୂର୍ଯ୍ୟର ଗୃହ”) ଗ୍ରୀକ୍ମାନେ ଯାହାକୁ ହେଲିୟୋପଲିସ ବୋଲି କହୁଥିଲେ, ସେହି ମିସରୀୟ ନଗର ଅଟେ, ଯାହା ମିସରର ସୂର୍ଯ୍ୟପୂଜାର କେନ୍ଦ୍ର ଥିଲା — ଏହା ଯିହୂଦାସ୍ଥ ସମାନ ନାମର ନଗର ନୁହେଁ।
