Sabbathwui vang Laa akha
Laa lairik akha. Sabbath zimikshowui vang laa akha.
Sabbath zimikwui laa, kakhai khangarong ngachei kahaiwui pongli. Makhayābingna kathai thada kharānglak eina khangathuda manghaira; khamashungbingna khaneirong eina cedarthing thada zākzāk eina sarda, ngarāhaira tharanla athei shatchinga kala ngahingchinga, khikhalajila athumli phungkahai apam chi — ithumwui Avāwui shimkhurbingna.
92 1Ithumwui Avāli ningkashi mikhavai, namingli masotlaa sākhavai, O Juikhamataiya, chi phālaka, 2ngathor nawui makhangachei leikashi chitheikhavai, kala ngayā kachida nawui ningkatong chi, 3khara̱ tharā kakā tingteilā eina, kala mazui eina, lyrewui nimshimri kahai khon eina laa sāra. 4Kaja, O ithumwui Avā, nana nawui ot eina ili mathānngasakhaira; napāngna sākahai otbingwui vang ina khamathānna laa sāra. 5Nawui otsakbing kayākha hakmahālak khala, O ithumwui Avā! Nawui ninglan hi kayākha kathukali! 6Mangma̱ mipa matheimana, kala mangkhama̱na hi chi bhap matāra:
7Makhayābing khawo thāda phorhailala, kala makaphā kasā saikorana shokpemhailala, athum katang mavaila sāshimānhaora. 8Kha nava, O ithumwui Avā, katang mavaila kajuipamli khaleina. 9Kaja yanglu, nawui yangkashebing, O ithumwui Avā, yanglu, nawui yangkashebing chi shimānhaora; kachiva̱ makaphā kasā saikora kashamyāng ngasakhaora. 10Kha nana ramsei thāda iwui angaji khayā kāngasakhaira; nana ili thao kadhar eina neomihaira. 11Imikna ili ngasharda khalei yangkashebingli theihaira; iwui khanāna ili khangarar makhayābingwui athit shāhaira. 12Khangarongabing khaneirong thāda timpamra; athum Lebanonli khalei cedarthing thāda kharra. 13Ithumwui Avāwui shimli lingsang kahaibing, athum ithumwui Avāwui kayāngli shokpemra. 14Athum aruila rarlak atamli athei matheichingra; athum dhar kala matekchim leichingra, 15Ithumwui Avā mashungrik kahaina da chitheikhavaina; ana iwui lunghārna, kala awuili makhangarong kahai maleimana.
