Khayākakā eina Shaksāda
Ot khani mangāchingda lei: okathui eina wungpamkhong. Tara̱ lenbingna akhon ngasāmsangda ngaphaokazama, kala laana ngahānga, kazingli kapama ithumwui Avā tara̱ ngaphaobing chiwui eina sāmkhaya — kala awui shiyanbing awui mungkhami thada maleikakhuimana.
93 1Ithumwui Avāna munga; ana khayākakā sāri shaksāda lei. Ithumwui Avāna sāri shaksāda lei; ana yāng eina shaksāda lei. Mha, okathui ngaziplak eina sakāhaira; china mangacheiluilakmara. 2Nawui wungpamkhong achālakhawui eina ngarānhaira; na katang makhavaiwui einana. 3Kongbing phonghaira, O ithumwui Avā; kongbingna athumwui akhon vaohaira; kongbingna athumwui ngarungning kahai khangaphao kaphehaira. 4Tara̱ kachungkhawui kazing khangashumli lāngda, shamadruwui khangaphaoli lāngda, kajuipamli khalei ithumwui Avāna pangmeiya. 5Nawui ain reikhamataia makhangapatalaka; O ithumwui Avā, tharkhamathengna nawui shim katang mavaila shakasāhaira.
