Wávwata Kineni hanga Mukonzu
Bima bidi bisi telama konda kunikana: tsi yi kiti kya luyalu. Bithombu bisi tombula ndinga ya byawu amana bisi bula makaka ma byawu, amana mukunga wisi vutula ni Tata wetu kuna zilu kalúta ngolu kuhita makaka — amana mitsiku myandi myenina myalendaku nikana hanga luyalu lwandi.
93 1Tata wetu wisi yala; wávwata kineni. Tata wetu wávwata; wadivunga ni ngolu. Eeh, tsi yázyama ngolu; yilendaku nikana kyamakulu. 2Kiti kyaku kya luyalu kyátelama tukidila ku khulu; ngeyi wenina tukidila mvula yi mvula. 3Bithombu byátombuka, A Tata wetu; bithombu byátombula ndinga ya byawu; bithombu bisi vumbula makaka ma byawu mamana madita. 4Wuluti ngolu kuhita mubandanu wa mamba malawu, wuluti ngolu kuhita makaka ma yanga dya mbuta, Tata wetu wenina kuna zilu kenina mukwa ngolu. 5Mitsiku myaku myenina myalungama lawu; buzitu bwatoma bwáfwana nzu yaku, A Tata wetu, tee mu mvula yi mvula.
