Mahima laga Kapra Pindhi Kene
Duita jinis lori-chori nakore: duniya aru singhasan. Bonna khan nijor awaj uthai aru dhou khan maribo kore, aru gana pora jawab di: upor te thaka amar Pitri dhou khan pora bhi bisi shaktiman ase — aru Tar niyom khan bhi Tar raj nisena lori nathake.
93 1Amar Pitri raj kori ase; Tai mahima laga kapra pindhi loise. Amar Pitri kapra pindhi loise; Tai nijor ke takot pora bandhi loise. Hosa, prithibi tu bhal pora khara hoi ase; eitu kitia bhi hilibo naparibo. 2Apuni laga singhason tu purana jamana pora khara ase; Apuni to ananta kal pora ase. 3Pani-ban khan uthi ahhise, amar Pitri; pani-ban khan tarkhan laga awaj uthaise; pani-ban khan tarkhan laga joroshur dhou khan uthai ase. 4Bisi pani khan laga gorjon pora bhi dangor, samundar laga dhou bhangi diya khan pora bhi dangor, upor te thaka amar Pitri to bisi takot ase. 5Apuni laga niyom khan bisi hosa ase; pobitrota pora Apuni laga ghor ke saja kori ase, amar Pitri, hodai hodai nimite.