Bisram din nimite ekta git
Ekta bhajan git. Bisram din nimite ekta git.
Bishram din laga ekta gana, alag-alag somoy laga bisoy te. Dusto manuh khan ghas nisena joldi gojai aru nai hoi jai; dhormik manuh khan khajur aru erash gos nisena dhire-dhire bhorti hoi, buda hoile bhi phol dhori thake aru hora thake, kele koile taikhan kot te ropon kora ase — amar Pitri laga angona te.
92 1Amar Pitri ke dhanyabad dibole, Apuni laga nam ke stuti git gabole, Sob laga Uporte thaka Jon, eitu bhal ase, 2phojur te Apuni laga morom prokahit koribole, aru rati bhor te Apuni laga biswasjogyota prokahit koribole, 3dosta tar laga baja aru veena te, lyre laga mitha awaj logot te. 4Kilemane Apuni laga kaam pora Apuni moi ke khushi korise, amar Pitri; Apuni laga hath laga kaam khan te moi khushi pora git gai ase. 5Amar Pitri, Apuni laga kaam khan kiman dangor ase! Apuni laga bhabona khan bisi gohin ase! 6Buddhi nathaka manuh pora najane, aru murkho manuh pora eitu nabuje:
7Jodi paapi khan ghas nisena bari uthe aru sob biya kaam kora khan phulai thake, tarkhan hodai nimite nosto hoi jabo. 8Kintu Apuni, amar Pitri, hodai nimite uporte ase. 9Kilemane sabi, Apuni laga dushman khan, amar Pitri—sabi, Apuni laga dushman khan khotom hoi jabo; sob biya kaam kora khan ephale-uphale hoi jabo. 10Kintu Apuni moi laga seing ke ekta jongoli goru nisena uporte uthaise; moi ke notun tel pora abhishek korise. 11Moi laga suku pora moi ke sai thaka dushman khan ke dikhise; moi laga kaan pora moi bhirodh te uthi thaka paapi khan laga nosto hua kotha hunise. 12Dharmik khan tal gash nisena phulai thake; tarkhan Lebanon laga devdar gash nisena dangor hoi. 13Amar Pitri laga ghor te ropa hoi kene, tarkhan amar Pitri laga angante phulai thake. 14Tarkhan etiya bhi phol diye burha homoi te; tarkhan taja aru hara thake, 15amar Pitri dharmik ase eitu prokahit koribole; Tai moi laga pathor ase, aru Tar bhitor te eku adharmikota nai.