Songoliit ne po Sabato
Tyeni. Songoliit ne po peetuutap sabato.
Tyendo ne po Sabato agobo saitosyek che terter. Tuneni kiptengeginik chang'un ko uu susweek ak kobet; ago mang'unen che po imanda kotepe, ko uu sosik ak taragoit, iitos logoek ak kotebe che nyalileen eng' kalilot amu ole ki kemiinto icheek — komoswegap Kwandanyo.
92 1Myee kogoochi Kwandanyo kongoi, ak ketyenji kaineng'ung' kalasunoik, ee Ineendet Ne Toroor Miising', 2ak kemwa rireeneng'ung' eng' mornet, ak imandang'ung' eng' kemousyek, 3eng' ketubet ne tinye poroonik taman ak eng' kibugandet, ak eng' tyeennyetap sugutit. 4Amu ki iboiboiswo, ee Kwandanyo, eng' poisyeng'ung'; atyen eng' poiboiyet agobo poisyonigap euneguk. 5Oo poisyoniguk miising', ee Kwandanyo! Loo kabwaatutiguk miising'! 6Ma nai chiito ne ma tinye naet, ak ma guiye chiito ne abusat niito:
7Agot tuneni kiptengeginik ko uu susweek, ak tuneni yaigap yaityo tugul, ko ng'emaksei koigeny ak koigeny. 8Ago inyee, ee Kwandanyo, itebee parak koigeny ak koigeny. 9Amu keero, puuniguk, ee Kwandanyo—keero, ko petos puuniguk; ko yestaat yaigap yaityo tugul. 10Ago king'eeta nortanyu parak ko uu soet ne po timiin; kagiiilwa mwanik che leel. 11Kageer konyekyuk puunikyuk che ngenjin; kagas itiikyuk kagesunetap kiptengeginik che ng'eeti agaigai. 12Tuneni chiito ne po imanda ko uu sosik; mang'unen ko uu taragonik ne mi Lebanon. 13Ki kemiin eng' kootap Kwandanyo, tuneni eng' komoswegap Kwandanyo. 14Iitos logoek agoi eng' kalilot; itebee che leel ak che nyalileen, 15si komwa kole po imanda Kwandanyo; ineendet rwandennyu, ak ma mi yaityet eng' ineendet.