Bicharwui Khamahā Kathum
Amosna chiknai eina mei theida ngasāng khani awui Avāli ningkhamāng lu da poi, kala ngasāng khani ana khamāng. Mahākhami kathumdā, plumb line akha, chi ngahāngmahānthuwa. Amaziahna ali Bethelwui eina shokhaolu da hāng tharan, ana ithumwui Avāna ili khuikahai tangda yaokahoma akhana sāsai da ngahānkai.
7 1Hithāda Proho Avāna ili chithei: awungawui hāt kahaiwui thili heiun khama phorphok tharan, ana khaoh kachungkha semkhui. 2Athumna ngalei chiwui thingnā zākup kahaiwui thili, ina hānga, "O Proho Avā, ina kapona, kapheomilu! Jacobna kathada pānpaira? A kateo khamathāya!" a a v2 Marānna poi tharan, ithumwui Avāna nganāda bichar chi khāmkhui—awui munglakwui azingli lukhamashan pemting leira, shimān ngasak khavai thāklak maningmana.
3Ithumwui Avāna hi pongli ning ngacheihaowa. "Chi mashokmara," da ithumwui Avāna hānga.
4Hithāda Proho Avāna ili chithei: Proho Avāna mei eina bichar sākhavai hoi; meina kathuka kahakva chuiya, kala ngaleila chuizata. 5Chieina ina hānga, "O Proho Avā, ina kapona, khāmhaolu! Jacobna kathada pānpaira? A kateo khamathāya!"
6Ithumwui Avāna hi pongli ning ngacheihaowa. "Hila mashokmara," da Proho Avāna hānga.
7Hithāda ana ili chithei: awui pāngli urum singlaga, Proho Avā ngartei sākhui kahai phākho ngalemli nganinga. b b v7 Urum chiya phākho ngartei nganinga kajila theikhavai khaphi khara̱ akhana; hili chiya ithumwui Avāna awui mibingwui kharing khamashunga kajila khangachāk kaji khamathāzak akhana.
8Kala ithumwui Avāna ili hānga, "Amos, nana khi theikhala?" Chieina ina ngahānkai, "Urum akha thei." Chieina Proho Avāna ili hānga, "Yanglu, ina iwui miyur Israelwui alungli urum akha haimira; ina athumli chi mangacheimilui mara."
9"Isaacwui kaphung kajujuili kameoshimbing ramcho ngasakhaora, kala Israelwui katharapambing sākathānhaora, kala ina raighai eina Jeroboamwui shimkhurli makhamayā ngakarthuira."
Amaziahna Marānli Khuithuimi
10Bethelwui pāngmon Amaziahna Israelwui awunga Jeroboamli pao hāngchiphunda hānga, "Amosna Israel shimkhurwui alungli nali makhamayāwui vang ngathumhaira. Ngalei china awui tui saikora maphungpaimana. 11Hithāda Amosna hānga: 'Jeroboam raighai eina thira, kala Israel kachangkhata awui ngaleiwui eina raikathāli khuithuihaora.'"
12Amaziahna Amosli hānga, "Zatulu, O khanong! Judahli rida vālu. Chili nawui kashakazā samphanglu, chili marānmilu. 13Kha Bethelli latluida marānmi masaalu, kaja chi awungawui katharapamna, wungramwui khorumshimna."
14Amosna Amaziahli ngahānkai, "I marān maningmana, marānwui naola maningmana, kha yaokahoma akhana, kala sycamorething khoma kasā akhana. 15Kha ithumwui Avāna ili yao ashangva̱ shurwui eina khuimida, kala ithumwui Avāna ili hānga, 'Zatulu, iwui mibing Israelli marānmilu.' 16Ara ithumwui Avāwui tui nganālu. Nana hānga, 'Israelli makhamayā tui marānmi masaalu, Isaac shimkhurli makhamayā tui hāshok masaalu.'
17Chiwui vang eina ithumwui Avāna hānga: 'Nawui preiva̱ keinungli khayorva̱ ngasāra, nanao mayarnao ngarā kala sha̱nao ngarā raighai eina thira, nawui ngalei khara̱ eina ngayarhaora, kala na khalatta makathar ngaleili thira. Israel kachangkhata awui ngaleiwui eina raikathāli khuithuihaora.'"
