Gọg Ada nʼElu Ugwu Ahụ

Gog dara n'ugwu Izrel, a na-esurekwa ngwa agha ya ọkụ dị ka nkụ afọ asaa, ebe ndị na-eli ozu na-arụ ọrụ ọnwa asaa, na-etinyekwa akara n'akụkụ ọkpụkpụ ndị fọdụrụ ebe ọ bụla. A kpọrọ nnụnụ ka ha bịa n'oriri jọgburu onwe ya. Nna anyị sịrị na ọ bụghị na ọ nọghị mgbe ha nọ n'ala ọzọ, ọ wụkwasịkwa Mmụọ ya.

Isi 39.

“Gị onwe gị, nwa nke mmadụ, buo amụma megide Gọg sị: Otu a ka Nna, Onyenwe ihe niile, kwuru: Ana m emegide gị, Gọg, onyeisi ukwu nke Mishek na Tubal. Aga m atụgharị gị, duru gị gaa nʼihu, kpọpụta gị site nʼebe dịkarịsịrị anya nʼugwu, ma duga gị megide ugwu niile nke Izrel. Mgbe ahụ, aga m akụpụ ụta gị nʼaka ekpe gị, meekwa ka àkụ gị site nʼaka nri gị daa. Ị ga-ada nʼelu ugwu niile nke Izrel, gị na ndị agha gị niile na ndị niile so gị. Aga m ewere gị nye dịka nri nye ụdị nnụnụ ọbụla na-eri anụ na nye anụ ọhịa. Ị ga-ada nʼọhịa mepere emepe, nʼihi na ekwuola m, ka Nna, Onyenwe ihe niile, kwupụtara. Aga m ezite ọkụ nʼelu Magog na nʼelu ndị bi nʼudo nʼakụkụ oke osimiri, ha ga-amatakwa na mụ onwe m bụ Nna. Aga m eme ka amata aha m dị nsọ nʼetiti ndị m bụ Izrel, agaghịkwa m ekwe ka e merụọ aha m dị nsọ ọzọ. Mgbe ahụ, mba niile ga-amata na mụ onwe m bụ Nna, Onye Nsọ ahụ nọ nʼIzrel. Lee, ọ na-abịa, ọ ga-emekwa, ka Nna, Onyenwe ihe niile, kwupụtara. Nke a bụ ụbọchị ahụ m kwuru okwu ya.’

“Mgbe ahụ, ndị bi nʼobodo niile nke Izrel ga-apụ, were ngwa agha ahụ kwanye ọkụ ma kpọọ ha ọkụ—ọta ukwu na ọta nta, ụta na àkụ, mkpọ agha na ùbe—jiri ha dịka nkụ afọ asaa. Ha agaghị achịkọta nkụ ọbụla site nʼọhịa maọbụ nʼoké ọhịa, nʼihi na ha ga-eji ngwa agha ahụ kwanye ọkụ. Ha ga-apụnara ndị pụnaara ha ihe, kwakọrọkwa ihe nʼaka ndị kwakọọrọ ha, ka Nna, Onyenwe ihe niile, kwupụtara.’

“Nʼụbọchị ahụ, aga m enye Gọg ebe olili nʼIzrel, bụ Ndagwurugwu nke Ndị Njem, nʼọwụwa anyanwụ nke oke osimiri. Ọ na-egbochi ndị njem ụzọ, nʼihi na nʼebe ahụ ka ha ga-eli Gọg na ìgwè mmadụ ya niile, a ga-akpọkwa ya Ndagwurugwu nke Hamọn-gọg. ^a Ruo ọnwa asaa ka ụlọ Izrel ga-anọ na-eli ha, ka ha wee mee ka ala ahụ dị ọcha. Onye ọbụla nọ nʼala ahụ ga-eli ha, ọ ga-ewetara ha aha ọma nʼụbọchị m ga-egosi ebube m, ka Nna, Onyenwe ihe niile, kwupụtara.’

“Ha ga-ahọpụta ndị ikom ga-agagharị nʼala ahụ mgbe niile, na-eli ndị fọdụrụ nʼelu ala, ka ha mee ka ọ dị ọcha. Mgbe ọnwa asaa gasịrị, ha ga-eme nyocha. Ka ha na-agagharị nʼala ahụ, onye ọbụla hụrụ ọkpụkpụ mmadụ ga-eguzobe akara nʼakụkụ ya, ruo mgbe ndị na-eli ozu ga-eli ya nʼNdagwurugwu nke Hamọn-gọg. (A ga-enwekwa obodo a na-akpọ Hamọna nʼebe ahụ.) Otu a ka ha ga-esi mee ka ala ahụ dị ọcha.’

“Ma gị onwe gị, nwa nke mmadụ, otu a ka Nna, Onyenwe ihe niile, kwuru: Gwa nnụnụ ụdị niile na anụ ọhịa niile nke ọhịa okwu sị: Chịkọtanụ onwe unu bịa, sitenụ nʼakụkụ niile zukọta nʼebe àjà ahụ m na-akwadebere unu, bụ àjà ukwu nʼelu ugwu niile nke Izrel; unu ga-eri anụ ṅụọkwa ọbara. Unu ga-eri anụ ahụ nke ndị dike nʼagha ma ṅụọ ọbara ndị eze nke ụwa—ebule, ụmụ atụrụ, mkpi, oke ehi, na anụ niile gbara abụba nke Bashan. Unu ga-eri abụba ruo mgbe unu rijuru afọ, ṅụọkwa ọbara ruo mgbe unu ṅụbigara oké, nʼebe àjà ahụ m na-akwadebere unu. Nʼelu tebụl m, unu ga-eri rijuo afọ nʼịnyịnya na ndị na-anya ụgbọ agha, na ndị dike ike na ndị agha nke ụdị niile, ka Nna, Onyenwe ihe niile, kwupụtara.’

“Aga m edobe ebube m nʼetiti mba niile, mba niile ga-ahụkwa ikpe m mere na aka m bikwasịrị ha. Site nʼụbọchị ahụ gaa nʼihu, ụlọ Izrel ga-amata na mụ onwe m bụ Nna ha. Mgbe ahụ, mba niile ga-amata na ụlọ Izrel gara biri na mba ọzọ nʼihi mmehie ha, nʼihi na ha ekwesịghị ntụkwasị obi nye m. Ya mere, m zoro ihu m, were ha nyefee nʼaka ndị iro ha, ha niile wee daa site na mma agha. Emesoro m ha dịka adịghị ọcha ha na mmehie ha si dị, ma zoo ihu m nʼebe ha nọ.’

“Ya mere, otu a ka Nna, Onyenwe ihe niile, kwuru: Ugbu a, aga m eweghachi akụnụba Jekọb ma nwee ọmịiko nʼebe ụlọ Izrel niile nọ, aga m enwekwa ekworo nʼihi aha m dị nsọ. Ha ga-ebu ihere ha na aghụghọ niile ha mere megide m, mgbe ha ga-ebi nʼudo nʼala ha, ọ dịghịkwa onye ga-emenye ha ụjọ. Mgbe m ga-akpọlata ha site nʼetiti ndị mmadụ ma chịkọta ha site nʼala ndị iro ha, aga m egosi na m dị nsọ site nʼaka ha nʼihu ọtụtụ mba. Mgbe ahụ, ha ga-amata na mụ onwe m bụ Nna ha, nʼihi na m mere ka ha gaa biri nʼetiti mba niile, mesịa chịkọta ha nʼala nke ha, ọ dịghị onye m hapụrụ nʼazụ. Agaghịkwa m ezofu ihu m nʼebe ha nọ ọzọ, nʼihi na aga m awụkwasị Mmụọ m nʼelu ụlọ Izrel, ka Nna, Onyenwe ihe niile, kwupụtara.”