اَللرئمی سنه طرف اوزادیرام
داوودون مزمورو.
تعقئب اولونوب یره اَزئلَرَک، محکمه‌یه چکئلمه‌مه‌سئنی ائسته‌یئر، چونکی آتاسینین قاباغیندا هچ بئر دئری آدام صالح دیئل. ائندئنی یاشاماق اوچون قدئم ائشلری یادا سالیر و ائکی شی ائسته‌یئر: سحرده بئر سؤز و دوز بئر یِر.
143 1آتام، دوعامی اشئت؛ مرحمت اوچون یالواریشلاریما قولاق آس؛ وفادارلیغینلا، صالحلئیئنده منه جاواب ور. 2قولونو محکمه‌یه چکمه، چونکی سنئن قاباغیندا هچ بئر دئری آدام صالح دیئل. a a v2 پولوس بو سطره اَساسلاناراق اؤیرتدی کی، هچ کس اؤز عمللری ائله آتامیزین قاباغیندا صالح ساییلمیر، آنجاق عئسایا توکّول اتمکله. 3چونکی دوشمن جانیمی قووالادی؛ حیاتیمی یره اَزدی؛ منی چوخدان اؤلَنلر کئمی قارانلیقدا ساکئن اتدی. 4روحوم ائچئمده ضعف ادئر؛ اوره‌یئم ائچئمده دهشته دوشوب. 5قدئم گونلری یادا سالیرام؛ اتدئیئن بوتون ائشلر اوستونده درئن دوشونورم؛ اَللرئنئن ائشئنی دوشونورم. 6اَللرئمی سنه طرف اوزادیرام؛ جانیم سوسوز تورپاق کئمی سنه سوساییر.
7آتام، منه تئز جاواب ور؛ روحوم طاقتدن دوشور. اوزونو مندن گئزلتمه، یوخسا چوخورا اِنَنلر کئمی اولارام. 8سحر چاغی محبّتئنی منه اشئتدئر، چونکی سنه توکّول ادئرم. گده‌جیئم یولو منه گؤرسد، چونکی جانیمی سنه طرف قالدیریرام. 9منی دوشمنلرئمدن قورتار، آتام؛ سنه پناه گتئرمئشم. 10اراده‌نی یرئنه یتئرمه‌یی منه اؤیرت، چونکی سن منئم آتامسان؛ قوی یاخشی روحون منی دوز یرده هئدایت اتسئن. 11آدینین خاطئرئنه، آتام، حیاتیمی حئفظ ات؛ صالحلئیئنده جانیمی دارلیقدان چیخارت. 12و محبّتئنله دوشمنلرئمی کسه‌جکسن و جانیما ضئدّ اولانلارین هامیسینی محو اده‌جکسن، چونکی من سنئن قولونام.
