መዝሙር 32

32 ¹ዐመፁ የተሰረየለት፣ ኀጢአቱ የተከደነለት ሰው ምንኛ ምስጉን ነው! ^a a v1 ጳውሎስ ይህን ቍጥርና ቀጣዩን፣ ከአባታችን ጋር ጻድቅ ሆኖ የመቈጠር ዋና ነገር አድርጎ ጠቅሶታል፤ ይኸውም ከምናተርፈው ከማንኛውም ነገር ተለይቶ ለእኛ የተቈጠረልን ይቅርታ ነው (ሮሜ 4፥7-8)። ²አባታችን በደልን የማይቈጥርበት፣ በመንፈሱም ተንኰል የሌለበት ሰው ምንኛ ምስጉን ነው!

³ዝም ባልሁ ጊዜ፣ ቀኑን ሙሉ በማቃሰቴ ዐጥንቶቼ አለቁ። ⁴ቀንና ሌሊት እጅህ በእኔ ላይ ከብዶ ነበርና፤ ጕልበቴ እንደ በጋ ትኵሳት ደረቀ።

⁵ያን ጊዜ ኀጢአቴን ገለጥሁልህ፤ በደሌንም አልሸሸግሁም፤ “ዐመፄን ለአባታችን እናዘዛለሁ” አልሁ፤ አንተም የኀጢአቴን በደል ይቅር አልህልኝ።

⁶ስለዚህ ታማኝ የሆነ ሁሉ በምትገኝበት ጊዜ ወደ አንተ ይጸልይ፤ ታላቅ ጐርፍ በሚነሣበት ጊዜ በእርግጥ አይደርስበትም። ⁷አንተ መሸሸጊያዬ ነህ፤ ከመከራ ትጠብቀኛለህ፤ በመዳን እልልታ ትከብበኛለህ።

⁸አስተምርሃለሁ፤ በምትሄድበትም መንገድ እመራሃለሁ፤ ዐይኔን በአንተ ላይ አድርጌ እመክርሃለሁ። ⁹አእምሮ የሌለው፣ እንደ ፈረስ ወይም እንደ በቅሎ አትሁን፤ መንፈሱ በልጓምና በዳውላ ሊገታ ይገባዋል፤ አለዚያ ወደ አንተ አይቀርብም።

¹⁰የክፉዎች ሥቃይ ብዙ ነው፤ በአባታችን የሚታመንን ሰው ግን ኪዳናዊ ፍቅሩ ይከብበዋል። ¹¹እናንተ ጻድቃን ሆይ፣ በአባታችን ደስ ይበላችሁ፤ ሐሤትም አድርጉ፤ እናንተ ልባችሁ ቅን የሆነ ሁሉ፣ እልል በሉ!