Masumu Mafidingini, Mutu Watangama Wasema
Mukunga wa Tavidi. Mukunga wa ngangu.
Tavidi wisi songila mana kudibata kwámutundakanisa — mifufwa mitolukini, ngolu zayumini hanga mu mwini wa tsungi — amana mana kufunguna mitsoki kwámanisa mu ndinga yimosi. Buna wisi balukila mu kulonga: ukálaku hanga phunda yina yifweti kokwa; kwisa tangwa Tata wetu wafwana mu kumonika.
32 1Kyesi kwena mutu wuna mutsoki wandi wulolukini, wuna disumu dyandi difidingini! a a v1 Pholu wusadidi vese yayi yi yina yilandidini bonso mbundu ya kukituka betu batu ba masonga kwena Tata wetu — ndolulu yitangama kwena betu konda kima kyosu twafweti baka (Loma 4:7-8). 2Kyesi kwena mutu wuna Tata wetu katangilaku ndola, amana mu kitembu kyandi mweku bukamvi!
3Muna tangwa yádibata, mifufwa myama myáyuma, mu bibimu byama kilumbu kyosu. 4Mukuma, muini yi phipha, koku dyaku dyakala zitu hana thandu yama; ngolu zama záyuma hanga mu mwini wa tsungi.
5Amana yázayikisa disumu dyama kwena ngeyi, amana yáfidingaku ndola yama; yázimbula: «Yikafunguna mitsoki myama kwena Tata wetu» — amana ngeyi wáloludini ndola ya disumu dyama.
6Buna, boosu bana bakwikama basambila kwena ngeyi, ha ngeyi wafwana mu kumonika; kyedika, tangwa mamba ma mbuta matelama, makámutulaku kwena yandi. 7Ngeyi wenina fulu kya kuswamina kyama; wukunlunda mu kiwayi; wukunzyeta ni ndinga za luhulusu.
8Yikakúlongisila amana yikakúlonga mu nzila yina wafwana mu kukangala; yikakúheka ndongisila yi disu dyama hana thandu yaku. 9Ukálaku hanga mvalu keti phunda, yina yikonda ngangu, yina kitembu kyandi kifweti kangama ni nsinga yi kima kya munwa, kana loni yikábwesukaku kwena ngeyi.
10Phasi za lawu zenina kwena batu ba mbi, kaasi mutu wuna wisi kwikila mwena Tata wetu wisi zyetukwa ni khenda yandi. 11Sangwalenu mwena Tata wetu amana yukenu kyesi, benu batu ba masonga; kalungenu mu kyesi, benu boosu bana benina basungama mu mbundu!
