መዝሙር 33

33 ¹እናንተ ጻድቃን ሆይ፣ በአባታችን ደስ ይበላችሁ፤ ለቅኖች ምስጋና ይገባል። ²አባታችንን በበገና አመስግኑት፤ ባለ ዐሥር አውታር መሰንቆ ዘምሩለት። ³አዲስ መዝሙር ዘምሩለት፤ በደስታ እልልታ በብልሃት ተጫወቱ።

⁴የአባታችን ቃል ቅን ነውና፤ ሥራውም ሁሉ በታማኝነት የተደረገ ነው። ⁵ጽድቅንና ፍትሕን ይወዳል፤ ምድር በአባታችን የኪዳን ፍቅር ተሞልታለች።

⁶ሰማያት በአባታችን ቃል ተፈጠሩ፤ ሠራዊታቸውም ሁሉ በአፉ እስትንፋስ ተፈጠረ። ⁷የባሕርን ውሃ እንደ ክምር ይሰበስባል፤ የጥልቁን ባሕር ውሃ በመዛግብቱ ያከማቻል። ⁸ምድር ሁሉ አባታችንን ትፍራ፤ በዓለም የሚኖሩ ሁሉ ከእርሱ ይሸበሩ። ⁹እርሱ ተናገረ፣ ሆነም፤ አዘዘ፣ ጸንቶም ቆመ።

¹⁰አባታችን የአሕዛብን ምክር ¹¹የአባታችን ምክር ለዘላለም ይጸናል፤ የልቡ ዐሳብ ለልጅ ልጅ ሁሉ ይኖራል።

¹²አባቱ አባታችን የሆነ ሕዝብ ብፁዕ ነው፤ ለራሱ ርስት አድርጎ የመረጠው ሕዝብ ብፁዕ ነው። ¹³ከሰማይ አባታችን ይመለከታል፤ የሰውን ልጆች ሁሉ ያያል። ¹⁴በምድር በሚኖሩ ሁሉ ላይ ከመኖሪያው ስፍራ ይመለከታል። ¹⁵የሁሉንም ልብ ይሠራል፤ የሚያደርጉትን ሁሉ ያስተውላል።

¹⁶ንጉሥ በሠራዊቱ ብዛት አይድንም፤ ኀያልም በታላቅ ኀይሉ አያመልጥም። ¹⁷ፈረስ ለድል ከንቱ ተስፋ ነው፤ በታላቅ ኀይሉ ሁሉ ሊያድን አይችልም።

¹⁸የአባታችን ዐይን ግን እርሱን በሚፈሩት ላይ፣ በኪዳን ፍቅሩ ተስፋ በሚያደርጉት ላይ ናት፤ ¹⁹ነፍሳቸውን ከሞት ለማዳን፣ በራብም ጊዜ በሕይወት ለማቆየት ነው።

²⁰ነፍሳችን አባታችንን ትጠባበቃለች፤ እርሱ ረዳታችንና ጋሻችን ነው። ²¹በቅዱስ ስሙ ታምነናልና ልባችን በእርሱ ደስ ይለዋል። ²²አባታችን ሆይ፣ በአንተ ተስፋ እንደምናደርግ፣ የኪዳን ፍቅርህ በእኛ ላይ ይሁን።