ዘፀአት 6

6 ¹አባታችንም ሙሴን እንዲህ አለው፤ “በፈርዖን ላይ የማደርገውን አሁን ታያለህ፤ በብርቱ እጅ ይለቅቃቸዋል፤ በብርቱ እጅም ከምድሩ ያባርራቸዋል።”

²አባታችን ሙሴን ተናገረው፤ እንዲህም አለው፤ “አባትህ እኔ ነኝ። ³ለአብርሃም፣ ለይስሐቅና ለያዕቆብ እንደ ኤል ሻዳይ፣ ማለትም ሁሉን ቻይ አባታችን ሆኜ ተገለጥሁ፤ ነገር ግን አባት በሚለው ስሜ አላወቁኝም። ^a a v3 አባቶች ይህን ስም ጸለዩ (ዘፍጥረት 15፥2)፤ ነገር ግን ስሙን ማወቅ በእርሱ መኖር ማለት ነው፤ ይህም አሁን ይጀምራል (6፥7)። አብዛኞቹ የእንግሊዝኛ መጻሕፍት ቅዱሳት “እግዚአብሔር” ብለው ያትሙታል። ⁴ደግሞም መጻተኞች ሆነው የኖሩባትን ምድር፣ ከነዓንን እሰጣቸው ዘንድ ከእነርሱ ጋር ኪዳኔን አጸናሁ። ⁵ግብፃውያን ባሪያ ያደረጓቸውን የእስራኤላውያንን ጩኸት ደግሞ ሰማሁ፤ ኪዳኔንም አሰብሁ። ⁶ስለዚህ የእስራኤልን ልጆች እንዲህ ብለህ ንገራቸው፦ አባታችሁ እኔ ነኝ። ከግብፅ ሸክም በታች አወጣችኋለሁ፤ ከባርነታቸውም አድናችኋለሁ፤ በተዘረጋ ክንድና በታላቅ ፍርድ እቤዣችኋለሁ። ⁷ልጆቼ አድርጌ እወስዳችኋለሁ፤ አባታችሁም እሆናለሁ። ከግብፅ ሸክም በታች ነጻ ያወጣኋችሁ አባታችሁ እኔ እንደ ሆንሁ ታውቃላችሁ። ⁸ለአብርሃም፣ ለይስሐቅና ለያዕቆብ ልሰጣት እጄን አንሥቼ ወደ ማልሁላት ምድር አገባችኋለሁ፤ ርስት አድርጌም እሰጣችኋለሁ። አባታችሁ እኔ ነኝ።”

⁹ሙሴ ይህን ለእስራኤላውያን ነገራቸው፤ ነገር ግን በመንፈሳቸው መሰበርና በጭካኔ ባርነታቸው ምክንያት ሙሴን አልሰሙትም።

¹⁰አባታችንም ሙሴን እንዲህ አለው፤

¹¹“ሂድ፤ የግብፅ ንጉሥ ፈርዖን እስራኤላውያንን ከምድሩ እንዲለቅ ንገረው።”

¹²ሙሴ ግን በአባታችን ፊት እንዲህ አለ፤ “እነሆ፣ እስራኤላውያን ካልሰሙኝ፣ ፈርዖንማ እንዴት ይሰማኛል? አንደበቴ ኮልታፋ ነውና።” ¹³አባታችንም ሙሴንና አሮንን ተናገራቸው፤ ስለ እስራኤላውያንና ስለ ግብፅ ንጉሥ ፈርዖን፣ እስራኤላውያንን ከግብፅ ያወጡ ዘንድ አዘዛቸው።

የሌዊ ትውልድ፦ ሙሴና አሮን

¹⁴የአባቶቻቸው ቤቶች አለቆች እነዚህ ናቸው፦ የእስራኤል በኵር የሆነው የሮቤል ልጆች፦ ሄኖክ፣ ጳሉ፣ ኤስሮን፣ ከርሚ፤ እነዚህ የሮቤል ጎሳዎች ናቸው። ¹⁵የስምዖን ልጆች፦ ይሙኤል፣ ያሚን፣ ኦሃድ፣ ያኪን፣ ሶሃር እና የከነዓናዊቷ ሴት ልጅ ሳኦል፤ እነዚህ የስምዖን ጎሳዎች ናቸው። ¹⁶የሌዊ ልጆች እንደ ትውልዳቸው እነዚህ ናቸው፦ ጌድሶን፣ ቀዓት፣ ሜራሪ። ሌዊ መቶ ሠላሳ ሰባት ዓመት ኖረ። ¹⁷የጌድሶን ልጆች እንደ ጎሳቸው ለብኒና ሳሚ ናቸው። ¹⁸የቀዓት ልጆች፦ እንበረም፣ ይስዓር፣ ኬብሮን፣ ዑዝኤል። ቀዓት መቶ ሠላሳ ሦስት ዓመት ኖረ። ¹⁹የሜራሪ ልጆች ማሕሊና ሙሲ ናቸው። እነዚህ እንደ ትውልዳቸው የሌዊ ጎሳዎች ናቸው። ²⁰እንበረም የአባቱን እኅት ዮካብድን አገባ፤ እርሷም አሮንንና ሙሴን ወለደችለት። እርሱም መቶ ሠላሳ ሰባት ዓመት ኖረ። ²¹የይስዓር ልጆች፦ ቆሬ፣ ናፌቅ፣ ዝኽሪ። ²²የዑዝኤል ልጆች፦ ሚሳኤል፣ ኤልሳፋን፣ ሲትሪ። ²³አሮን የአሚናዳብን ልጅ፣ የነአሶንን እኅት ኤሊሳቤትን አገባ፤ እርሷም ናዳብን፣ አብዩድን፣ አልዓዛርንና ኢታምርን ወለደችለት። ²⁴የቆሬ ልጆች፦ አሲር፣ ኤልቃና፣ አብያሳፍ። እነዚህ የቆሬአውያን ጎሳዎች ናቸው። ²⁵የአሮን ልጅ አልዓዛር ከፉጢኤል ሴቶች ልጆች አንዷን አገባ፤ እርሷም ፊንሐስን ወለደችለት። እነዚህ እንደ ጎሳቸው የሌዋውያን የአባቶች ቤቶች አለቆች ናቸው።

²⁶አባታችን “እስራኤላውያንን እንደ ነገዳቸው ከግብፅ አውጡ” ያላቸው እነዚህ አሮንና ሙሴ ናቸው።

²⁷እስራኤላውያንን ከግብፅ ያወጡ ዘንድ የግብፅን ንጉሥ ፈርዖንን ያነጋገሩ እነዚህ ሙሴና አሮን ናቸው።

²⁸አባታችን በግብፅ ምድር ሙሴን በተናገረው ቀን፣

²⁹አባታችን እንዲህ አለው፤ “አባትህ እኔ ነኝ። የምነግርህን ሁሉ ለግብፅ ንጉሥ ለፈርዖን ንገረው።”

³⁰ሙሴ ግን በአባታችን ፊት እንዲህ አለ፤ “እነሆ፣ አንደበቴ ኮልታፋ ነውና ፈርዖን እንዴት ይሰማኛል?”