箴言 5

5 ¹我個仔啊,要留心我嘅智慧, 細心聽我嘅見識, ²咁你就可以持守謹慎, 你嘅嘴唇亦保存知識。 ³因為淫婦嘅嘴唇 滴落蜂蜜, 佢嘅口比油仲滑, ⁴但到頭嚟,佢苦得好似毒藥,利得好似兩刃嘅劍。 ⁵佢嘅腳落到死亡度, 佢嘅腳步踏入陰間。 ^a a v5 陰間:希伯來文指死人嘅地方——墳墓,即係下面睇唔到嘅世界。 ⁶佢唔會諗生命嘅路, 佢嘅路飄忽不定,自己都唔知。

⁷而家,我啲仔啊,聽 我講,唔好偏離我口中嘅說話。 ⁸你要令自己嘅路遠離 佢,唔好行近佢屋企嘅門口, ⁹免得你將自己嘅尊榮畀咗人, 將你嘅歲月畀咗殘忍嘅人, ¹⁰免得陌生人飽享你嘅力量, 你辛苦掙返嚟嘅勞碌落咗外人嘅屋企, ¹¹到你臨終嗰陣就會呻吟, 嗰陣你嘅肌肉同身體都耗盡晒, ¹²你就會話:「我點解咁憎管教, 我個心咁睇唔起責備! ¹³我冇聽老師嘅聲音, 亦冇聽從教導我嘅人。 ¹⁴喺聚集嘅會眾當中, 我幾乎陷入徹底嘅敗壞。」

¹⁵你要飲自己池裏嘅水, 飲自己井裏流出嘅水。 ¹⁶你嘅泉源難道要滿溢到街上, 你嘅水流要流到廣場度咩? ¹⁷要令佢哋淨係屬於你自己, 唔好同陌生人一齊分享。 ¹⁸願你嘅泉源蒙福, 你要喜悅你年輕時娶嘅妻子, ¹⁹佢好似一隻可愛嘅母鹿,一隻優雅嘅小鹿。願佢嘅愛時時刻刻滿足你; 願你不斷被佢嘅愛 所吸引。 ²⁰咁我個仔啊, 你點解仲要俾淫婦所吸引,去攬住第個人嘅妻子呢?

²¹因為人所行嘅路都喺我哋嘅父眼前, 佢察看住人所有嘅路徑。 ²²惡人會俾自己嘅罪孽纏住,俾自己罪嘅繩索綁得緊緊。 ²³佢因為冇管教而死, 亦因為自己極度愚昧而行差踏錯。