Mukunga wa Pha kwena Tsi Yosu
Mukunga wa pha wenina wa busamuni — samunenu mihangu mya Tata wetu mu kati dya makanda, natenu mulambu, luzimbwala ni yandi wisi yala. Banzambi bahika benina biteki bya moku ma batu, bya phamba. Ata yanga, bilanga yi miti mya musitu bisi tedwa mu kuyangalala kikuma kya Mufundisi wakwísa.
96 1Yimbilenu kwena Tata wetu mukunga wa pha; yimbilenu kwena Tata wetu, benu boosu ba ha tsi.
2Yimbilenu kwena Tata wetu, sakumunenu khumbu yandi; samunenu luhulusu lwandi kilumbu yi kilumbu. 3Samunenu mihangu myandi mya khembu mu kati dya makanda, bisalu byandi bya ngituka mu kati dya batu ba tsi zoosu. 4Mukuma Tata wetu kenina wa mbuta amana wafwana lukumu buna bufwani; kafwana kubangwa kuhita banzambi boosu. 5Mukuma banzambi boosu ba batu ba tsi benina biteki, kaasi Tata wetu wásema mazilu. 6Mitsyenzya yi kineni byenina ku thwala yandi; ngolu yi phisi byenina mu kikumbu kyandi.
7Hekenu kwena Tata wetu, benu boosu bikanda bya batu ba tsi, hekenu kwena Tata wetu khembu yi ngolu. 8Hekenu kwena Tata wetu khembu yafwana khumbu yandi; natenu mulambu, amana kotenu mu luphangu lwandi. 9Fukaminenu Tata wetu mu mitsyenzya mya kudisemisa; nikanenu ku thwala yandi, benu boosu ba ha tsi. 10Zimbulenu mu kati dya makanda: «Tata wetu wisi yala! Tsi yázyamisama buna bufwani; yisi nikanaku kedi. Kafúndisa batu ba tsi mu masonga.»
11Mazilu makala yi kyesi, amana tsi yasangwala; yanga dya mbuta dyalokosa, yi byosu bina biasa mukati dyandi. 12Kilanga kyadiyangisa, yi byosu bina byenina mukati dyandi; buna miti myosu mya musitu myayimbila mu kyesi. 13Ku thwala ya Tata wetu, mukuma wisi kwisa, mukuma wisi kwisa mu kufúndisa tsi. Kafúndisa tsi mu masonga, amana batu ba tsi mu kwikama dyandi.
