Olovdan boʻlak hech narsaga yaramaydigan tok
Qisqa va gʻamgin bir tasvir. Tok yogʻochi yonmasdan oldin ham qurilishga yaramaydi, kuygach esa ikki baravar yaroqsiz. Otamiz aytadiki, Quddus aholisi Uning uchun ana shunday: hech qanday ishga yaramay, olov uchun saqlangan.
15 1Shunda menga Otamizdan shunday soʻz keldi:
2“Inson bolasi, tok yogʻochi boshqa yogʻochlardan, oʻrmon daraxtlari orasidagi tok novdasi, nimasi bilan ustun? 3Uning yogʻochidan biron foydali ishga foydalanib boʻladimi? Undan narsa osish uchun qoziq yasasa boʻladimi? 4Mana, u yoqilgʻi uchun olovga tashlanadi. Olov uning har ikki uchini yeb bitiradi, oʻrtasi esa kuyib qoraygan. U biron ishga yaraydimi? 5Butun boʻlganida ham befoyda boʻlsa, olov uni yeb bitirgach va u kuyib qoraygach, undan biron narsa yasab boʻladimi?”
6Shuning uchun Hukmron Otamiz shunday aytmoqda: “Oʻrmon daraxtlari orasidagi tok yogʻochini Men yoqilgʻi uchun olovga berganimdek, Quddusda yashovchilarni ham shunday tashlab qoʻydim. 7Men Oʻz yuzimni ularga qarshi qarataman. Ular bir olovdan qutulishdi, lekin boshqasi ularni yeb bitiradi; Men Oʻz yuzimni ularga qarshi qaratganimda, Mening Otangiz ekanimni bilib olasizlar. 8Men bu yurtni vayronaga aylantiraman, chunki ular butunlay sadoqatsiz boʻlishdi, deya aytmoqda Hukmron Otamiz.”