எசேக்கியேல் 15

15 ¹பின்பு எங்கள் பிதாவின் வார்த்தை எனக்கு உண்டாகி, அவர் சொன்னது:

²"மனுஷகுமாரனே, காட்டு மரங்களுக்குள்ளே இருக்கிற திராட்சக்கொடியாகிய திராட்சச்செடியின் மரம் மற்ற எந்த மரத்தைப்பார்க்கிலும் எதினால் மேன்மையுள்ளது? ³ஏதாவது ஒரு வேலைக்கு உதவும்படி அதின் மரத்தில் எதையாவது செய்யக்கூடுமா? பொருள்களைத் தூக்கிவைக்கும்படி அதிலிருந்து ஒரு முளையையாகிலும் செய்யக்கூடுமா? ⁴இதோ, அது எரிபொருளாக நெருப்புக்கு இரையாய்ப் போடப்படுகிறது; அதின் இரண்டு முனைகளையும் நெருப்பு தின்றுவிடுகிறது, அதின் நடுப்பாகமும் கருகிப்போகிறது. இது ஏதாவது வேலைக்கு உதவுமா? ⁵அது முழுமையாய் இருந்தபோதே உதவாததாயிருந்தால், நெருப்பு அதைப் பட்சித்து அது கருகிப்போனபின்பு அது இன்னும் எவ்வளவு குறைவாய் ஏதாவது ஒன்றுக்கு உதவும்? அதில் ஏதாவது செய்யக்கூடுமா?"

⁶ஆகையால் ஆண்டவராகிய பிதா சொல்லுகிறது: "காட்டு மரங்களுக்குள்ளே இருக்கிற திராட்சச்செடியின் மரத்தை நான் எரிபொருளாக நெருப்புக்கு ஒப்புக்கொடுத்ததுபோல, எருசலேமில் வாசம்பண்ணுகிறவர்களையும் நான் ஒப்புக்கொடுத்தேன். ⁷நான் என் முகத்தை அவர்களுக்கு விரோதமாகத் திருப்புவேன்; அவர்கள் ஒரு நெருப்புக்குத் தப்பினாலும், மற்றொரு நெருப்பு அவர்களைப் பட்சிக்கும்; நான் என் முகத்தை அவர்களுக்கு விரோதமாகத் திருப்பும்போது, நானே உங்கள் பிதா என்பதை நீங்கள் அறிந்துகொள்வீர்கள். ⁸அவர்கள் மிகவும் துரோகம்பண்ணினபடியால், நான் தேசத்தைப் பாழாய்ப்போகச்செய்வேன் என்று ஆண்டவராகிய பிதா சொல்லுகிறார்."