Jui Nimite Nohoile Eku Kaam Te Nathaka Angur Lota
Ekta chuta, andhar chobi. Angur laga lokri to jolai dibo age bhi kiba banabo nimite kam nahai, aru jolai dile duibar bekar. Amar Pitri koise, Jerusalem laga manuh khan Tai nimite etu nisina ase: jui nimite rakhi diya, kunba kam nimite thik nohoi.
15 1Tetiya amar Pitri laga kotha moi logot te ahhise:
2“Manuh laga putro, angur laga lakri tu dusra kiba lakri pora kineka bhal ase—jungle laga gaas khan majot te thaka angur laga dal tu?” 3“Tar laga lakri pora kiba kaam te cholabo pare naki? Jinis khan latkai dibole eitu pora khuta ekta bonabo pare naki?” 4“Sabi—jui jolabole eitu ke jui te phelai dise. Jui pora tar laga duita mura khai dise, aru tar majkhan jol i kala hoi jaise. Eitu kiba kaam nimite thik ase naki?” 5“Jitia eitu pura thakise titia bhi kaam laga nathaka asele, tinehole jui pora khai kene jol i kala hoi jua pichete arubi komti hobo—eitu pora kiba bonabo pare naki?”
6Etukarone Sorboshaktiman Pitri pora koi ase: “Jineka jungle laga gaas khan majot te thaka angur laga lakri ke Moi jui jolabole jui te dise, tineka Moi Jerusalem te thaka manuh khan ke chari dise.” 7“Moi tarkhan biporit te Moi laga mukh rakhibo. Tarkhan ekta jui pora polaise, kintu dusra jui pora tarkhan ke khai dibo; aru jitia Moi tarkhan biporit te Moi laga mukh rakhibo, titia tumikhan Moi tumar Pitri ase koi kene janibo.” 8“Moi desh tu ke ujar kori dibo, kilemane tarkhan ekdom biswasghati hoise,” eitu Sorboshaktiman Pitri pora koi ase.