Hiak swak thang rwe
Chongdip

Mei Karou Lang Amza Bathaang Amnu Drakha Zem

Badan bachaa, baraamnu khat ye. Drakha om thing ga, rounu dat pi le, in sem lang bathaang maaknu, khatle charut thang damnu nung bi leng ni bathaang maaknu ong nge. Haba danga, Jerusalem bi ongnu mi nun ga Maan lang hadanga ong nge diga ani Pa na rinne: mei lang khaangnu, chwan khat lang le khopnu make.

Ani Pa na chongkhak hei bing bi kabia nge 2–8

Bung 15.

Atiga ani Pa om chong akhou hung rwe:

“Misa Sa Kapaisa, kamaang thingkung lak pi ongnu drakha bakachang, drakha zem om thing heiya thing katei bing ma tatoga inkunubo? Baom thing ding pa-aam aam bathaang amnu lang sizin ngam dingbo? Haba bina pot bing khit thang lang thing khat bacha thang ngam dingbo? Phaang ngo—haga mei karo lang mei bi bazwan thang rwe. Meina baom taki arwei patni ding saye, baom bazai ga charut rwe. Haga chwan khat lang le khop dingbo? Haga pum brumza ong ngaaknu kaan bi le bathaang maaknu to ngaake dabe, meina roulune khatle charut thang damnu nung bi, tatoga pa-aam aam lang bacha thang ngam dingbo!”

Atibriakpina Pukraangba Pa na rinne, “Kamaang thingkung lak pi ongnu drakha zem om thing, haba ding Eina mei karo lang mei bi pi thangnu danga, Eina Jerusalem bi lung ongnu mi nun ding le hadanga pi bacham rwe. Eina bani ding maitwang lang Amai thanglune. Banina mei khat bina dwak lat ngaake atiyeda mei katei pakhatna bani ding roulune; atiga Eina bani ding maitwang lang Amai thangnu kaan bi, Ei nani Pa gaye diga nanina theilune. Eina talei ram ding lung taaknu to thanglune, balangbe banina sekka ga balumsa mak ngaake, diga Pukraangba Pa na rinne.”