يوه داسې انګور ونه چې يواځې د اور دپاره وى
یو لنډ او تیاره انځور. د انګورو د تاک لرګی حتی تر سوځېدو مخکې د جوړونې لپاره بېګټې دی، او سوځېدلی دوه چنده بېګټې. زموږ پلار وايي، د یروشلم خلک د هغه لپاره همدا دي: اور ته ساتل شوي، د هېڅ کار وړ نه.
15 1بيا د زمونږ پلار کلام ما ته راغلو چې،
2”اے اِبن آدم، د انګور د ونې لرګے د نورو ټولو لرګو نه څۀ ښۀ دے؟ هغه ښاخ چې د ځنګل د ونو په مينځ کښې وى؟ 3آيا د دې لرګے د کوم کار دپاره کارولے شى؟ آيا د دې نه داسې کوم مېخ جوړېدے شى چې پرې څيزونه راوځړولے شى؟ 4ګوره، دا د سون دپاره اور ته غورزولے شى. اور يې دواړه سرونه خورى او مينځ يې سوزيږى. آيا دا د کوم کار دپاره برابر دے؟ 5کۀ دا سالم وى نو هم د هيڅ کار نۀ وى، نو کله چې دا اور وخورى او وسوزيږى، بيا به د څۀ کار شى؟“
6نو مالِک خُدائ داسې فرمائى چې، ”لکه څنګه چې د انګور د ونې لرګے د ځنګل د ونو په مينځ کښې دے چې ما د سون دپاره اور ته ورکړو، هم هغه شان ما په يروشلم کښې اوسېدونکى پرېښودل. 7زۀ به خپل مخ د هغوئ په خلاف واړوم. هغوئ د يو اور نه وتښتېدل، خو بل اور به يې وخورى؛ او کله چې زۀ خپل مخ د هغوئ په خلاف واړوم، نو تاسو به پوه شئ چې زۀ ستاسو پلار يم. 8زۀ به دا مُلک ويران کړم، ځکه چې هغوئ بالکل بېوفا شوى دى، مالِک خُدائ فرمائى.“
