Wan Shanga Limbo Ailakei Leshang Akibü Semlüh
Kütbü hoba thushedbü noksa che. Yam bunyu semlüh bu kho juokla shaangkei lela aleshangbü, hoba juokjinei ngeyang aleshangbü. Seneibü Bouei lauda, kho Jerusalema kibü shuong hao la kibü tegü ki: wan to kubü, aei kümsilei shanga aleshangbü.
15 1Tokei Boueibü ngüh kü jungto loukei:
2“Müteibü Shou, yam bunyu shuong yoa kibü semlüh bhek, haoeibü bu kho lubü bu pendou toje aila maibou? 3Kho buei aikei leshangbü kümsilei shanga lela thükla lo? Peisilei thangla shanga kho danko bu che kümla thükla lo? 4Chühashi—kho wan juokla shanga wan to jinda. Wanei kho ji penyi lonan apda, hoba kho jenyu juokkei. Kho ai kümsilei shanga leshang kila lo? 5Kho aonbü kian leshang akilonga, wanei kho lonan apko juokan phaiaje, lai aei leshang akila—kho aikei kümla thükla lo?”
6Kheijinei Thükenbou Bouei hai lauda: “Yam bunyu shuong yoa kibü semlüh bu, ngei wan juokla shanga wan to kubü tegü, kho tegü ngei Jerusalema kibü shuong kho kukei. 7Ngei haoen khulimbo lolabü. Haoen wan che ka satenkei, lausikei lubü wanei haoen lonan aplabü; hoba ngei haoen khulimbo lolaje, kanei ngo kaneibü Bou ki dogo ngelabü. 8Ngei kho kaodak maubü la yeitilabü, aishanga haoenei aeibou shabü shonkei, dogo Thükenbou Bouei lauda.”
