జెకర్యా 2

2 ¹అప్పుడు నేను కన్నులెత్తి చూడగా, చేతిలో కొలత త్రాడు పట్టుకున్న ఒక మనుష్యుడు నాకు కనిపించాడు. ²నేను, "నీవు ఎక్కడికి వెళ్తున్నావు?" అని అడిగాను. అతడు నాతో, "యెరూషలేమును కొలిచి, దాని వెడల్పు ఎంత, పొడవు ఎంత అని చూచుటకు వెళ్తున్నాను" అని చెప్పాడు.

³నాతో మాట్లాడుతున్న దూత వెళ్ళిపోగా, మరియొక దూత అతనిని ఎదుర్కొనుటకు బయలుదేరి వచ్చాడు, ⁴అతనితో ఇలా చెప్పాడు, "పరుగెత్తి, ఈ యౌవనునితో ఇలా చెప్పు: 'యెరూషలేములో ఇంతమంది జనులు, పశువులు ఉండుటవలన అది ప్రాకారము లేని బయలు ప్రదేశమువలె నివసించును.'

⁵నేనే దాని చుట్టూ అగ్ని ప్రాకారముగా ఉందునని మన తండ్రి సెలవిచ్చుచున్నాడు, మరియు నేను దాని మధ్యను మహిమగా ఉందును.'"

⁶"రండి! రండి! ఉత్తర దేశములోనుండి పారిపోండి, అని మన తండ్రి సెలవిచ్చుచున్నాడు; ఏలయనగా ఆకాశపు నాలుగు వాయువులవలె నేను మిమ్మును చెదరగొట్టితిని, అని మన తండ్రి సెలవిచ్చుచున్నాడు. ⁷సీయోనూ, రా! బబులోను కుమార్తెతో నివసించుచున్నవారలారా, తప్పించుకొనండి.

⁸పరలోక సైన్యములకు తండ్రి ఇలా సెలవిచ్చుచున్నాడు—మిమ్మును దోచుకొనిన జనములమీదికి ఆయన మహిమ నన్ను పంపిన తరువాత: మిమ్మును ముట్టువాడు ఆయన కనుపాపను ముట్టువాడే:

⁹ఇదిగో, నేను వారిమీద నా చేయి ఆడించెదను, అప్పుడు వారు తమకు సేవచేసినవారికి దోపుడుసొమ్ముగా అగుదురు. అప్పుడు పరలోక సైన్యములకు తండ్రి నన్ను పంపెనని మీరు తెలిసికొందురు.

¹⁰సీయోను కుమార్తెా, పాడి సంతోషించుము! ఇదిగో, నేను నీ మధ్యను నివసించుటకు వచ్చుచున్నాను, అని మన తండ్రి సెలవిచ్చుచున్నాడు.

¹¹"ఆ దినమున అనేక జనములు మన తండ్రిని చేరి నా పిల్లలు అగుదురు. నేను నీ మధ్యను నివసించెదను, పరలోక సైన్యములకు తండ్రి నన్ను నీయొద్దకు పంపెనని నీవు తెలిసికొందువు. ¹²మరియు మన తండ్రి పరిశుద్ధ దేశములో యూదాను తన భాగముగా స్వాధీనపరచుకొని, యెరూషలేమును మరల ఏర్పరచుకొనును.

¹³సర్వశరీరులారా, మన తండ్రి యెదుట మౌనముగా ఉండుడి; ఏలయనగా ఆయన తన పరిశుద్ధ నివాసములోనుండి లేచుచున్నాడు."