Mi eng' bukuit

Malaki 3 FHB Father's Heart Bible™

Kiistoi 15% eng' kiy ne iale korook →
Bukuit

Konyoonu Iyokyindet si Koitiliil

Nyoonu iyokyindet si kochopkei ooreet, ago ma anyiny maatap chiito ne koolei. Ng'ang'utyet ko robsetap letisyek ak kagoochinoik, ak kiyoktoi piik koteebe Kwandanyo kotyeme. Ng'alaalei che iywei ineendet togeennywa, ak kisir kitabutap ibwaatet.

Ng'alaali Kwandanyo eng' mustarisyek 1–15, 17–18

Sura 3.

Keero, ayooktoi iyokyindennyu, ak koyaktaii ooreet eng' tainnyu. Nooto anyun konyo kurgeenyin Kiptaiyat ne ocheeng'ei okweek eng' Hekaluutennyi—iyokyindetap arorutyet ne achamei okweek. Keero, nyoonu, mwaei Kwanda ne po lugosyegap kipsengwet. a a v1 Iyokyindet ne yaktaii ooreet ko Johana ne Batisandet, ak Kiptaiyat ne nyoonu eng' Hekaluutennyi ko Jeso—iyokyindetap arorutyet. Konam Marko Lesonyi eng' ng'aleechu kityo (Marko 1:2), ak koilji Jeso icheek Johana (Luko 7:27). “Ago ng'oo ne muuchi komuit peetuut ne konyoonjo? Ng'oo ne muuchi kotonon ye kotookunoi? Ko uu maatap chiito ne koolei, ko uu sabuunitap chiito ne unei ngoroik. Kotebee kooli ak koitiliil silingisyek; koitiliil weeriigap Lawi ak kooli icheek ko uu saait ak silingisyek, ak koibu kagoochinoik Kwandanyo eng' imanda. Nooto anyun koboiboitu Kwandanyo kagoochinetap Judah ak Jerusalem, ko uu peetuusyek che po keny, ko uu kenyiisyek che po tai.”

Anyoone neegit si akirwogin okweek, paoryat ne chepcheben agaigai orgoik, ak che yaei koimet, ak che yosyo eng' lembech, ak che rebei melektap kiboityot, ak che usei kwony ne kagosiirtoe manong'otyonnyi ak lakwa ne ma tinyei sigiik, ak che timdoi toondet, ak che ma iywei anee, mwaei Kwanda ne po lugosyegap kipsengwet.

Oweeksei Kwandang'wong'

Amu anee, Kwandang'wong', ma walak; nooto si okweek, lagogap Jakobo, ma kagong'emok.

Kobooch peetuusyegap kwanisyekwok koleelta okweek eng' ng'atuutikyuk ak ma oriip. Oweeksei anee, ak aweeksei okweek, mwaei Kwanda ne po lugosyegap kipsengwet. Ago otebee, ole, ‘Kiweeksei ano?’

Tos rebei chii Kwandanyi? Ago orebei anee okweek. Ago otebee, ole, ‘Kikirebin ano?’ Eng' kebebertap taman ak kagoochinoik. Kagichubok chubisyet, amu orebei anee—okweek pororyet komugul. Oip kebebertap taman ne komugul koba kootap konorweek, si komiitei amitwogik eng' koonnyu. Otyemwo eng' kiy ni, mwaei Kwanda ne po lugosyegap kipsengwet, ak ogeer ngo ma ang'otwokwok tirisyogap kipsengwet ak aroong'wokyin kaberuret agoi komanyool okweek kiy age. Aiger kong' amindet agobo okweek, si ma kong'em logoegap emeng'wong', ak si ma eesyo keetitap sabibuk ne mi mbareeng'wong' korur, mwaei Kwanda ne po lugosyegap kipsengwet. Nooto anyun koguurok pororyosyek tugul ne kaberurok, amu oegu emet ne po boiboindo, mwaei Kwanda ne po lugosyegap kipsengwet.

Ki nyigiis ng'aleekwok agaigaige anee, mwaei Kwandanyo. Ago otebee, ole, ‘Nee ne kimwa agaigaigeng'ung'?’

Kimwa okweek, ole, ‘Mamii boisyet eng' koboisyechi Kamuktaindet. Nee ne kisich eng' keriip charunennyi ak keweendos ko uu che riirei eng' taitap Kwanda ne po lugosyegap kipsengwet?’ Ara anyun kiguure menotik ne kaberuret. Che yaei ne ya ko berurye; agot kotyeme Kamuktaindet ak kochililye.

Nooto anyun kong'alaaljigei che iywei Kwandanyo; ak kogas ak koyai keny. Ki kisir bukuitap kabwaatet eng' tainnyi agobo che iywei ineendet ak che konoorei kainennyi.

Koegu che po anee, mwaei Kwanda ne po lugosyegap kipsengwet, eng' peetuut ne ayae, konorwennyu ne myee. Ariiree icheek ko uu ye riiree kwanda weeriinnyi ne otisyei ineendet. Ogeer kogeny tiemnatet ne mi kwenutap chiito ne imanda ak kiptengekyot, kwenutap ineendet ne otisyei Kwandanyo ak ineendet ne ma otisyei ineendet.