Mi eng' bukuit

Ne Kibwate Ng'atuutik 26 FHB Father's Heart Bible™

Kiistoi 15% eng' kiy ne iale korook →
Bukuit

Emet ne Igoonin Kwandang'ung'

Ye iibu tongoanigap rurotet ne tai, imwae chiichooto eng' kutit kabwaatetap saboondanyi—kwandanyu ko ki Syriaindet ne mweoti, kiwaach, kogas Kwandanyo ak komoong'uech—yeityo koigoochi ak kopaibai kobooto Lawindet ak toondet. Rani kamwa inyee kole piikyik.

Sura 26.

Ye iit emet ne igoochin Kwandang'ung' koek poroteng'ung', inam, imeny olooto, inemu tongoanik eng' rurotetap ng'wony tugul ne igese eng' emet ne igoochin Kwandang'ung', indoi eng' kitonget, iwe komosta ne leweni Kwandang'ung' koinde kainennyi. Iwe tisiindet ne boisyei eng' peetuunooto ak imwa, “Amwae rani eng' taitap Kwandang'ung' ale kaa iit emet ne ki iyasyechi Kwandanyo kwanisyekyok kole igoochech.” Inemu tisiindet kitonget eng' eung'ung' ak koinde eng' taitap koroitap Kwandang'ung'. Imwae eng' taitap Kwandang'ung', “Kwandanyu ko ki Syriaindet ne mweoti, ne ki choorugei Misiri ak komeny olooto koek toondet, che ng'ering', ak koek olooto pororyet ne oo, ne kiim ak ne chaang'.” Ago ki kiyaiywech Misiriik ne ya ak kinyalilech ak koonech aisuruut ne uueen. Ki kiwaach Kwandanyo; kogas Kwandanyo riirekyok ak kogeer nyalilwogikyok, labotikyok ak sastaetnyo. Kimoong'uech anyun Kwandanyo eng' Misiri eng' euut ne kiim, euut ne chuulaat, kamuiset ne oo, ak kaboorunoik ak kwang'utik. Ki kiibwech yu ak kigoonech emoni, emet ne nyiitaat cheego ak komi kumyat eng' chaang'indo. “Nguno kaaibu tongoanigap ng'wony ne ki igoono, inyee Kwandanyo.” Yeityo indoi eng' taitap ak igutuny eng' taitap. Ibaibaitu eng' tuguuk tugul che myee che kagoonin Kwandang'ung' inyee ak piigap koong'ung', inyee, Lawindet, ak toondet ne menyei kwenung'ung'.

Ye igees iibu kebebertap taman komugul ne po rurateng'ung' eng' kenyiit ne po somok, kenyiitap kebebertap taman, ak kaigoochi Lawindet, toondet, lakwa ne ma tinyei sigiik, ak mosoget, si koam eng' kurgotiguk ak kobiyong'so, imwa anyun eng' taitap Kwandang'ung', “Kagoisto kebeberta ne tiliil eng' koonnyu ak kaagoochi Lawindet, toondet, lakwa ne ma tinyei sigiik, ak mosoget, ko uu ng'atuutyet komugul ne ki ang'ataak. Ma kaangelel anan kaautye ng'atuutiguk.” Ma kaam kiy eng' kuniet, ma kagoisto kiy eng' murwondos, ma kaagoochi che meet kiy. Kaagas iit kutitap Kwandanyo; kaayai tugul ne ki ang'ataak. Igeer ng'wony eng' koong'ung' ne tiliil ne mi kipsengwet, iberuuri piiguk Israel ak emet ne ki igoonech, ko uu ye ki iyasyechi kwanisyekyok, emet ne nyiitaat cheego ak komi kumyat eng' chaang'indo.

Kasetap Iit eng' Muguleldet ak Saboondet

King'atin rani Kwandang'ung' iyai etanutichu ak kirwoogutichu, iriip ak iyai eng' muguleldang'ung' komugul ak eng' saboondang'ung' komugul. Kaimwa rani ile Kwandang'ung' ko Kwandang'ung', ile iwendi eng' ooreennyi, iriip etanutikyik, ng'atuutikyik, ak kirwoogutikyik, ak igas iit. Kaimwa rani Kwandang'ung' keele iin piikyik, chamanik che itabaanatiin, ko uu kayomiseng'ung', ak ile iriip ng'atuutikyik tugul, ak indein parak kosiir pororyosyek tugul che ki toi, eng' kalasunet, kainet, ak teegisto, ak ile iin pororyet ne tiliil eng' Kwandang'ung', ko uu ye ki kayomiset.