ዘዳግም 26

26 ¹አባትህ ርስት አድርጎ ወደሚሰጥህ ምድር ስትገባ፣ ወርሰህ በእርሷም ስትኖር፣ ²አባትህ ከሚሰጥህ ምድር ከምታጭደው ከምድሪቱ ፍሬ ሁሉ በኵራቱን ወስደህ በቅርጫት አኑረው፤ አባትህ ስሙን ለማኖር ወደሚመርጠው ስፍራ ሂድ። ³በዚያም ጊዜ ወደሚያገለግለው ካህን ቀርበህ፣ “አባታችን ሊሰጠን ለአባቶቻችን ወደ ማለላት ምድር እንደ ገባሁ ዛሬ ለአባትህ እናገራለሁ” በል። ⁴ካህኑም ቅርጫቱን ከእጅህ ወስዶ በአባትህ መሠዊያ ፊት ያኖረዋል። ⁵በአባትህም ፊት እንዲህ ብለህ ተናገር፤ “አባቴ የሚንከራተት ሶርያዊ ነበረ፤ ወደ ግብፅ ወርዶ በጥቂት ቍጥር እንደ መጻተኛ በዚያ ኖረ፤ በዚያም ታላቅና ኀያል፣ ብዙ ሕዝብ ሆነ።” ⁶ግብፃውያን ግን በደሉን፤ አስጨነቁን፤ በብርቱ ባርነትም አስገደዱን። ⁷ወደ አባታችንም ጮኽን፤ አባታችንም ጩኸታችንን ሰማ፤ ሥቃያችንን፣ ድካማችንንና መገፋታችንን አየ። ⁸ስለዚህ አባታችን በኀያል እጅ፣ በተዘረጋ ክንድ፣ በታላቅ መፍራት፣ በምልክቶችና በተአምራት ከግብፅ አወጣን። ⁹ወደዚህ ስፍራ አመጣን፤ ይህችን ምድር፣ ወተትና ማር የምታፈስ ምድር ሰጠን። ¹⁰“አሁንም አንተ አባታችን የሰጠኸኝን የምድሪቱን በኵራት አምጥቻለሁ።” በፊቱም አኑረው፤ በፊቱም ስገድ። ¹¹አባትህ ለአንተና ለቤተ ሰብህ በሰጠህ መልካም ነገር ሁሉ፣ አንተ፣ ሌዋዊውና በመካከልህ የሚኖረው መጻተኛ ደስ ይበላችሁ።

¹²በሦስተኛው ዓመት፣ በዐሥራት ዓመት፣ የፍሬህን ሙሉ ዐሥራት ማምጣት ስትጨርስ፣ ለሌዋዊው፣ ለመጻተኛው፣ ለድኻ አደጉና ለመበለቲቱ ሰጥተህ፣ በከተሞችህ በልተው እንዲጠግቡ ባደረግህ ጊዜ፣ ¹³በአባትህም ፊት እንዲህ በል፤ የተቀደሰውን ድርሻ ከቤቴ አውጥቼ፣ እንዳዘዝኸኝ ፍጹም ለሌዋዊው፣ ለመጻተኛው፣ ለድኻ አደጉና ለመበለቲቱ ሰጠሁ። ትእዛዝህን አልተላለፍሁም፤ አልረሳሁምም። ¹⁴በልቅሶ ከእርሱ አልበላሁም፤ በርኩሰት ምንም አላወጣሁም፤ ለሙታንም ምንም አልሰጠሁም። የአባቴን ድምፅ ታዘዝሁ፤ እንዳዘዝኸኝም ሁሉ አደረግሁ። ¹⁵በሰማይ ካለው ከቅዱስ ማደሪያህ ተመልከት፤ ሕዝብህን እስራኤልን፣ ለአባቶቻችን እንደ ማልኸው የሰጠኸንን ምድር፣ ወተትና ማር የምታፈስ ምድር ባርክ።

በፍጹም ልብና በፍጹም ነፍስ መታዘዝ

¹⁶አባትህ ዛሬ እነዚህን ሥርዓቶችና ፍርዶች እንድትፈጽም ያዝሃል፤ በፍጹም ልብህና በፍጹም ነፍስህ ጠብቃቸው፤ አድርጋቸውም። ¹⁷ዛሬ አባትህ አባትህ እንዲሆን አወጅህ፤ በመንገዶቹ ለመሄድ፣ ሥርዓቶቹን፣ ትእዛዛቱንና ፍርዶቹን ለመጠበቅ፣ ለመታዘዝም። ¹⁸አባትህም ዛሬ፣ እንደ ተስፋ እንደ ሰጠህ፣ ሕዝቡ፣ የተመረጠ ርስቱ እንደ ሆንህ፣ ትእዛዛቱንም ሁሉ መጠበቅ እንዳለብህ አወጀ፤ ¹⁹እንደ ተናገረውም፣ ለምስጋና፣ ለዝናና ለክብር ከፈጠራቸው አሕዛብ ሁሉ በላይ ከፍ ከፍ ያደርግሃል፤ ለአባትህም የተቀደስህ ሕዝብ ትሆናለህ።