Uburake bwa Yona

Imbabazi ni zo nyene Yona yatinya. Yemera ko yahunze kuko yari azi ko Data wacu yisubiraho, maze asaba gupfa. Igiti kimutanga igitutu, inyo irakica, maze Data wacu amubaza igituma igiti atateye kimuhambaye kuruta igisagara c'abantu ibihumbi.

Igice 4.

Ariko ivyo vyarababaje Yona cane, aca araka cane. Asenga Data wa twese ati: “Ndakwinginze, Data, ntivyari ivyo navuze igihe nkiri mu gihugu canje? Ni co gituma nahungiye i Tarushishi ubwa mbere, kuko nari nzi yuko uri Data w’ubuntu, w’impuhwe, utinda kuraka, wuzuye urukundo, kandi akica umugambi wo kuzana ivyago. None rero, Data wa twese, ndakwinginze gukura ubugingo bwanje, kuko gupfa ndabibona vyiza kundusha kubaho.”

Data wa twese aramwishura ati: “Mbega vyoba bibereye ko uraka cane gutyo?”

Yona ava mu gisagara, yicara mu buseruko bwaco, yihingira urusāzi ng’aho, yicara munsi yarwo mu gitutu, arindiriye kubona ico gisagara kizoshikirwa n’iki. Nuko Data wa twese ashinga igiti kigashisha, kirera hejuru ya Yona, kugira ngo gitume ku mutwe wiwe haba igitutu, kiwuhoze ububabare bwiwe. Yona aca anezerererwa cane kubera ico giti. Mu gitondo co ku musi ukurikira, Data wa twese ashinga umunyonyo urya ico giti, kica kiruma. Izuba rimaze kurasa, Data wa twese arungika umuyaga ushushe uva mu buseruko; izuba ritera ku mutwe wa Yona gushika aboro. Yipfuza gupfa ati: “Gupfa biranduseko kubaho.”

Ariko Data wa twese abaza Yona ati: “Mbega vyoba bibereye ko uraka kubera ico giti?” Yona ati: “Birabereye, ndaka gushika n’aho nifuza gupfa.”

Nuko Data wa twese ati: “Wewe wagiriye impuhwe ico giti utakorewe canke ngo ukirere, cameze mw’ijoro kandi gipfa mw’ijoro. None jewe ntiwoshaka ko ngirira impuhwe Ninewe, ico gisagara kinini, aho harimwo abantu barenga ibihumbi ijana na mirongo ibiri batazi gutandukanya ukuboko kwabo kw’iburyo n’ukw’ibubamfu, hamwe n’ibitungwa vyinshi?” ^a