Psalms 113

113 ¹ Hallelujah! Praise am, una wey be servants of our Papa; praise di name of our Papa. ² Make di name of our Papa bless, from now go reach forever. ³ From wia di sun dey rise reach wia e dey set, make dem praise di name of our Papa. ⁴ Our Papa dey high pass all di nations, im glory dey pass di heavens. ⁵ Who be like our Papa, wey dey sidon for up high, ⁶ wey dey bend down look di heavens and di earth? ⁷ E dey lift di poor comot for inside dust E dey raise di person wey no get from di ashes heap, ⁸ make dem sidon with princes, with di princes of im people. ⁹ E dey give di woman wey no get pikin place for her house, as mama wey im belle sweet am with pikin dem. Hallelujah!