Cejü celü Kedeko Mizlü
Kecho hihi, tüyo pi mesoyo kebao ha Po, hibi cejü pi kiri keyi dipübi sheri pü ngoyi. Kelasü hihi pü merhüla süce pü thi kesü zo: mha kütsakhuo nyopha kümolü rekrü, kedeko zü bayi süte, mu punu pühri thenomice nune kha keba u süte.
113 1Haleluya! Ha Po yithomi neko, Pü chuyite; ha Po za chuyite. 2Mhace celü kechothe ngoyi, ha Po za thejo kepü thiyite. 3Nace voripü celü nace mülü ngoyi, ha Po za chuyite. 4Ha Po shuye metü pi kerekrü zo, Pü zapozale tüyo pi zo. 5Mesoyo kebao ha Po bi sopü ba, 6pü tüyo mu cejü ngoyi de kirikeyio? 7Püe mhakedi cejü celü merhülasü, mha kütsakhuko nyopha kümolü thi rekrü, 8ukopo kedeko zü, pü thümako kedeko zü bayi ketola. 9Püe punu pühri di thenomi pü celü bayizü, nune keba ulü kenü keba zu bi thisüte. Haleluya!
