भजनसंग्रह 113 FHB Father's Heart Bible™

113 ¹हल्लेलूयाह! हे हाम्रा पिताका सेवकहरू हो, उहाँको प्रशंसा गर; हाम्रा पिताको नामको प्रशंसा गर। ²हाम्रा पिताको नाम अब र सदासर्वदा धन्यको होस्। ³सूर्य उदाउनेदेखि अस्ताउनेसम्म हाम्रा पिताको नामको प्रशंसा होस्। ⁴हाम्रा पिता सबै जातिभन्दा उच्च हुनुहुन्छ, उहाँको महिमा आकाशभन्दा माथि छ। ⁵उच्च स्थानमा विराजमान हुनुहुने हाम्रा पितासमान को छ, ⁶जो आकाश र पृथ्वीमा हेर्न तल निहुरनुहुन्छ? ⁷उहाँले गरिबलाई धूलोबाट उठाउनुहुन्छ, र दरिद्रलाई खरानीको थुप्रोबाट उचाल्नुहुन्छ, ⁸तिनीहरूलाई राजकुमारहरूसँग, उहाँका प्रजाका राजकुमारहरूसँग बसाल्नलाई। ⁹उहाँले निःसन्तान स्त्रीलाई त्यसको घरमा छोराछोरीकी आनन्दित आमाको रूपमा बसाल्नुहुन्छ। हल्लेलूयाह!