Dhuli pora Rajkumar khan laga Mej Loike
Prosno tu etu ase: amar Pitri itu upor te bohi thaki kene, itu niche tak kineka sai pai? Jawab tu Tai niche jhuki kene ki kore etu ase: ekjon bhikhari ke chai laga dher pora uthai kene raja-putro khan majot te bohai di, aru bacha nathaka mahila ke bacha khan pora bhorti ekta ghor di.
113 1Hallelujah! Tar ke stuti koribi, tumikhan amar Pitri laga noukar khan; amar Pitri laga nam ke stuti koribi. 2Amar Pitri laga nam dhonyo hobi, etiya pora aru hodai-hodai loike. 3Suryo utha pora tar dubi jua loike, amar Pitri laga nam ke stuti koribo lage. 4Amar Pitri sob jati khan uporte uncha ase, Tar mohima sorgo khan uporte ase. 5Amar Pitri nisena kun ase, kun uporte uncha jagah te bohi ase, 6kun sorgo aru prithibi ke sabole niche jhuki ase? 7Tai dukhiya ke dhuli pora uthai diye, aru dorkar thaka manuh ke chai-dhuri pora uthai diye, 8tarkhan ke rajkumar khan logote, Tar laga manuh khan laga rajkumar khan logote bohai dibole. 9Tai bacha nai thaka maiki ke tai laga ghor te, bacha khan laga anondo thaka ama hoi kene rakhe. Hallelujah!