ਜ਼ਬੂਰ 113

113 ¹ਹਲਲੂਯਾਹ! ਹੇ ਸਾਡੇ ਪਿਤਾ ਦੇ ਸੇਵਕੋ, ਉਸ ਦੀ ਉਸਤਤ ਕਰੋ; ਸਾਡੇ ਪਿਤਾ ਦੇ ਨਾਮ ਦੀ ਉਸਤਤ ਕਰੋ। ²ਸਾਡੇ ਪਿਤਾ ਦਾ ਨਾਮ ਮੁਬਾਰਕ ਹੋਵੇ, ਹੁਣ ਤੋਂ ਲੈ ਕੇ ਸਦਾ ਤੱਕ। ³ਸੂਰਜ ਦੇ ਚੜ੍ਹਨ ਤੋਂ ਲੈ ਕੇ ਉਸ ਦੇ ਲਹਿਣ ਤੱਕ, ਸਾਡੇ ਪਿਤਾ ਦੇ ਨਾਮ ਦੀ ਉਸਤਤ ਹੋਵੇ। ⁴ਸਾਡਾ ਪਿਤਾ ਸਾਰੀਆਂ ਕੌਮਾਂ ਤੋਂ ਉੱਚਾ ਹੈ, ਉਸ ਦਾ ਪਰਤਾਪ ਅਕਾਸ਼ਾਂ ਤੋਂ ਉੱਚਾ ਹੈ। ⁵ਸਾਡੇ ਪਿਤਾ ਵਰਗਾ ਕੌਣ ਹੈ, ਜੋ ਉੱਚਾਈ ਉੱਤੇ ਬਿਰਾਜਮਾਨ ਹੈ, ⁶ਜੋ ਅਕਾਸ਼ ਅਤੇ ਧਰਤੀ ਉੱਤੇ ਨਿਗਾਹ ਕਰਨ ਲਈ ਹੇਠਾਂ ਝੁਕਦਾ ਹੈ? ⁷ਉਹ ਗਰੀਬ ਨੂੰ ਧੂੜ ਵਿੱਚੋਂ ਉਠਾਉਂਦਾ ਹੈ ਅਤੇ ਕੰਗਾਲ ਨੂੰ ਸੁਆਹ ਦੇ ਢੇਰ ਤੋਂ ਉੱਪਰ ਚੁੱਕਦਾ ਹੈ, ⁸ਤਾਂ ਜੋ ਉਨ੍ਹਾਂ ਨੂੰ ਸਰਦਾਰਾਂ ਦੇ ਨਾਲ, ਆਪਣੀ ਪਰਜਾ ਦੇ ਸਰਦਾਰਾਂ ਦੇ ਨਾਲ ਬਿਠਾਵੇ। ⁹ਉਹ ਬੇਔਲਾਦ ਔਰਤ ਨੂੰ ਉਸ ਦੇ ਘਰ ਵਿੱਚ ਬੱਚਿਆਂ ਦੀ ਅਨੰਦਿਤ ਮਾਤਾ ਬਣਾ ਕੇ ਵਸਾਉਂਦਾ ਹੈ। ਹਲਲੂਯਾਹ!