Zaburi 113

113 ¹ Haleluya! Msifuni, enyi watumishi wa Baba yetu; lisifuni jina la Baba yetu. ² Lihimidiwe jina la Baba yetu, tangu sasa na hata milele. ³ Tangu kuchomoza kwa jua hata kutua kwake, jina la Baba yetu lasifiwe. ⁴ Baba yetu ametukuzwa juu ya mataifa yote, utukufu wake u juu ya mbingu. ⁵ Ni nani aliye kama Baba yetu, aketiye juu, ⁶ ainamaye chini ili kuziangalia mbingu na nchi? ⁷ Yeye humwinua maskini kutoka mavumbini, na kumpandisha mhitaji kutoka jaani, ⁸ ili amketishe pamoja na wakuu, pamoja na wakuu wa watu wake. ⁹ Humkalisha mwanamke tasa nyumbani mwake kama mama mwenye furaha wa watoto. Haleluya!