Ezekiel 9

9 ¹Then e shout with loud voice make I hear say: “Make una come near, una wey dey oversee di city, each of una carry im weapon of destruction for hand.”

²Six men come from di upper gate wey face north, each of dem carry deadly weapon for hand; among dem, one man wey wear linen cloth, wey get writing case for im side. Dem come stand near di bronze altar.

³The glory of our Papa rise from ontop di cherub where e bin dey rest, go di doormouth of di house. E call di man wey wear linen cloth wey get di writing case for im side.

⁴And our Papa tell am say, “Waka go inside di city of Jerusalem, come mark di forehead of dem wey dey sigh and dey groan because of all di abomination wey dem dey do for dia.” ^a a v4 Dem wey dem mark for safety na di ones wey dia heart dey break because of di sin wey dey surround dem — our Papa dey spare and seal di pikin dem wey dey grieve wetin dey grieve am.

⁵E tell di others make I hear say: “Follow am waka go inside di city, come strike. No make una eye spare person, no show pity. ⁶Old men, young men, young women, pikin dem, women—kill all of dem. But no touch anybody wey get di mark. Start from my sanctuary.” So dem start with di elders wey dey front of di house.

⁷Then e tell dem say, “Make di house unclean, fill di courts with dead body. Go!” So dem comot go strike down people for di city.

⁸As dem dey strike, na me one remain. I fall face down come cry out say, “Ah, Oga Papa! You go destroy all di remnant of Israel as you dey pour your wrath ontop Jerusalem?”

⁹Then e tell me say: “Di guilt of di house of Israel and Judah plenty well well. Di land full with bloodshed, di city full with injustice, because dem dey say, ‘God don abandon di land; God no dey see.’ ¹⁰As for me, I no go spare dem or pity dem. I go bring dia conduct come down ontop dia own head.”

¹¹Then di man wey wear linen cloth wey get di writing case for im side report back say: “I don do as you command me.”