Yaonaona Mahor Namkahaibing Hara
Sigui katongabing akha akha shoka: yuikhavai, shaothat, thangthangwui ngalangman eina kehu akha, chithāda Kathi. Hanphutwui azingli thikahai shākhibingna Reikhamatai Avāli kasang tang eina da ngachei, kala kateokha ngarānluilu da hānga. Katharuka mahorli pangshap kaleibingna thumhaoda phungrei kala lunghārbingli ithumtungli pitālu da ngachei.
6 1Jishu Yaonaona mahor shiniwui alungwui akha hara chi ina yangpama, kala kharinga sāyur matiwui alungwui akhana kazing khangashum thāda, "Rālu!" da kahānga ina shai. 2Ina khayang tharan, sigui kachar akha thei; chiwui katongana malā akha singsai. Ali kuihon akha mi, kala ana yuida, yui khavai tongzatphoka.
3Yaonaona mahor kakhane hara tharan, kharinga sāyur kakhanena "Rālu!" da kahānga ina shai. 4Sigui hunga khangatei akha shoka. Chiwui katongali okathuiwui eina chingri kahai khuithui khavai, kala mibingna akha eina akha shaothat ngasak khavai mayāmi, kala ali raighai reikhamatai akha mi.
5Yaonaona mahor kakathuma hara tharan, kharinga sāyur kakathumana "Rālu!" da kahānga ina shai. Ina khayang tharan, sigui zika akha thei; chiwui katongana apāngli khān tam akha singsai. 6Kharinga sāyur mati chiwui alungli akhon kathā akha ina kashā: "Kehu khum akha thangthangwui ngalangman, nāpai khum kathum thangthangwui ngalangman; kha thao kala drakhāra̱li sākashi masālu!"
7Yaonaona mahor khamate hara tharan, kharinga sāyur khamatewui akhonna "Rālu!" da kahānga ina shai. 8Ina sigui thengcheng akha thei. Chiwui katongawui aming Kathi hoi, kala Kathewui ramna awui thi shura. Kathi kala Kathewui ramli okathuili phak mati sālaga phak akhawui atungli, raighai eina, zāt eina, kazātkashi eina, kala okathuiwui sāyurbing eina shaothat khavai pangshap mi.
9Ana mahor kaphangā hara tharan, ithumwui Avāwui tui kala athumna singsai shākhi chiwui vang eina shaothat kahaibingwui manglā chi hanphutwui azingli ina thei. 10Athumna panglāk eina vaoda hānga, "Kasang tang eina, Reikhamatai Avā, kathara kala khamashunga, nana bichar sāda okathuili leikasābingtungli ithumwui ashee athut khuikhala?" a a v10 'Reikhamatai' hi Kadhara Tuingashit lairikna ithumwui Avāwui reikhamatai pangshap chiwui vang maning phumkahai amingna—shaothat kahaibingna, ot saikora mashung sākhavai pangshap saikora singkasa kathā da, ali ngakao. 11Athum ava̱va̱li phahon kachar akha mi, kala athum thāda shaothat khavai athumwui ngasotabing raobing kala chinaongarā mashing kupchang tang eina, kasha̱kha ngasām khavai athumli hānga.
12Yaonaona mahor katharuka hara chi ina yangpama; chitharan panglāk eina neina̱ nganuka, zimik chi bora thāda zika, kachāng chi ashee thāda hunga, 13kala khaorārong akha masi kapangana shaksā tharan awui khaorāthei makhamin khanuktāhai thāda, kazingramwui sirābing chi ngaleili tātunghaowa. 14Kazingram chi lairik akhalui khalang khuikhavā thāda khuithuihaowa, kala kaphung kala yikuiram saikora apamwui eina nganukhaowa. 15Okathuiwui awungabing, khangambing, raiwui kathānabing, kashāngabing, kapangabing, raonao saikora kala ningkhān kahaibing saikorana, lungkhurli kala kaphungwui lunghārkhurli yāmsang khuiserhaowa. 16Athumna kaphung kala lunghārbingli hānga, "Ithumtungli pitālu, kala wungpamkhongli kapama Varewui mai chiwui eina, kala Yaonaowui malungkhavāt chiwui eina ithumli thumhaimilu! 17Kaja Varewui kala Yaonaowui malungkhavātwui zimiksho reikhamatai chi rāhaira, kala khipāna chi ngasungshaprakhala?"
