Nawui Nganuilakha tharan Ali Phaningunglu
Nawui nganuilakha atambing nawui Kasā Akhavāli phaningunglu, phasā kateo kateo eina hailang mavai eina—shimwui khamayonabing nganuka, khamuishongbing tangmangting, sāra̱ sātek, kala chifa ngaleili latluida, manglā Vareli latlui mavai eina. Saikora hi aremana; chieilala Vareli ngacheelu, kala awui kakasobing mayonlu. Ngathum kahai otsak saikora bichar sāra.
12 1Nawui nganuilakha atambing nawui Kasā Akhavāli phaningunglu, kakhanang atambing mararanglakha, kala "Chibingli ina ningyāng khaung maleimana" da nana hāngki kaji zingkumbing manganairanglakha, 2zimik, kahor, kachāng kala sirābing matangmangranglakha, kala zingrotwui thili muiyā mahanungranglakha; 3shimwui khamayonabing nganuka tharan, kala mi kapangbing kurzang ngakhumhaora, kala mā rung sha̱naobing ngachāng makakā thāhaora, kaja kateokhana shākra, kala charfa einala yangbing tangmangtinghaora; a a v3 Hi tuibing china asār tharan phasā khanangserhai kala kathi nganailak chi laa tuili lāngda hāngkahaina — pāng nganukbing, phasā kurzangkahai, hā horserhai, kala mik tangmangtinghaibing. 4shongfali khāmongbing shunghai tharan, kala mā kharungkhon ngavengluira; vānaowui akhon shālaga mi ngakarthui tharan, kala laawui naongalāva̱ saikora maishi ngasakhaora; 5athumna kajuili ngacheera tharan, kala shongfali khangachee leira; almondthing awon wona tharan, kala khaohsomna khalatta ngakhunzatra, kala malungkachāng vānhaora; kaja mi awui katang makhavai shimli vāhaora, kala chapkhangachābing chānreili yaozatra; 6lupāsā khara̱ masāshatranglakha, lah sinā tengkot masākhairanglakha, lah ura̱okli tara̱ khong masātekranglakha, lah ra̱khongli kāngphei masātekranglakha, 7kala chifa china akashok thāda ngaleili mahanungranglakha, kala manglā china ali khami Vareli mahanungranglakha, nawui Kasā Akhavāli phaningunglu. 8"Aremakhamāng aremana," da Hāshokmena hānga. "Saikora hi aremana."
Hāshokmewui Them
9Hāshokmena thangmei sāsai; kala chānsam kachungkha chāng tamyangda, phāzatlaga ngasoda haimida, ana mibingli theikakhui tamchithei. 10Hāshokmena ningyāng ungngasak tuibing phākhavai ngarān, kala ana kapikahai chi khamashung kala kachanga sāsai. 11Thangkhamabingwui tui china karhui thai; kazipkhui chānsambing china ngaziplak eina shaoshantit yotpi thai; kahoma akhana khamikahaina. 12Hibing lāngda, inaomayara, ning ngasharlu: lairik kachungkha sākhui khavai katang maleimana, kala tamkhui tarākha eina phasā khanangngasaka.
13Tuiwui khanao, saikora shāhaira: Vareli ngacheelu, awui ningkhami mayonlu; mi kachiva̱na sāphalungki kaji ot katonga hina. b b v13 Hāshokmewui lairik china ana haokaphok kahaipamli kupserhai — Hāshokmena "zimikwui khanunli" phākazat mi akhawui khayā tui eina Vareli hānga. Jishu china ithumwui Avāli nganailak ngasak khavai rāhaira (John 14:9). 14Kaja Varena otsak saikora, ngathum kahai saikora ngasoda, kaphā liranu makaphā liranu, bichar sāra.
