Seneibü Bou dambü kho lolabü

Shalebü hoba jaisina shanga, soushou akiko lenbü: nyaksinamei jaisina jinyoda, lausikei shalebü müteibü jembü jaisina tegü hao mangsenda. Khüsi yoa jembü soushou yeibü ki, aishanga songsihonei müt kho maangyangsho yeitida hoba shedbü apbubü kho haoeibü soneikangbü ki dogo lauda. Shalebü to kubü kho seneibü Bou to lotbü ki.

Chapter 19.

Haoeibü tükdebüa paibü shalebü kho, ngühli khüpbülangbü ngoubü müt toje maibou ki. Tou, songsido akibü mangsühbü kho amai, hoba panteiko paibü haoei lam ka mashikan satda. Müteibü lolo ngoubü haoeibü lam leilukuda, lausikei haoeibü maangponei Bou khulimbo khauangda. Nyaksinamei thangbou juong haatikuda, lausikei shalebü kho haoeibü thangbou ka sepai. Amlangbü aukabü kho ayuktilabü, hoba amlangbü lauan kibü haoei asatenlabü. Müt juongbou shuongei onou lenbü müteibü maangshik lamda, hoba jongsak kubü müt la müt pendou thangbou ki. Shalebü müteibü jaisina shuong pendouei hao mangsenda; haoeibü thangbou shuong kho lai hean kida! Haoei haoen phaito ngada, lausikei haoen haukei. Aoei songsihon hapda haoei haoeibü langkei sanouda; aoei ditenbü jungeida haoei maibü haplabü. Amlangbü aukabü kho ayuktilabü, hoba amlangbü lauan kibü haoei maulabü. Ngoubü müt la naang shaubü kho ayingkhoubü; khangenbouei yaangenbü shuong songdakla je aeibou ayingkhoubü. Müteibü songsihonei hao khauangla maangyangsho yeitida, hoba shedbü apbubü kho haoeibü soneikangbü ki. Choba maangshat kho molosaonyu ngühbü tegü ki, lausikei haoeibü maangshik kho sang thüka nin tegü ki. Ngoubü shou kho haoeibü bou la leilubü ki, hoba yakeibü oyobü kho athakko dei lentibü tegü ki. Chem hoba nyaksinam kho pisibou shuong ka phetphanbü ki, lausikei songsihon kibü yak kho Bou ka longbü ki. Khangen amangsühbüei müt kho sek yepbü to lottida, hoba lamsha akümbü müt mühei haida. Aoei ngühkhüm jungeida haoei haoeibü langkei püetlabü; aoei haoeibü lam shuong mangsenda haoei hailabü. Aoei shalebü la onoubü haoei Bou la lenda, hoba Bouei haoeibü kümsilei muko kulabü. Maanglem kibü sünga kashou shieikoeashi, hoba hao mautila shanga nyi maangpon tephoku. Khauang yaangbü müt kho kayang penan kujan; aishanga nyi hao khümenalonga, toukei sepeinyu kümlabü. Dambü ditashi hoba shieikoebü sungletashi, khünei phaito chalou shuonga nyi songsihon haplabü. Müteibü maanga huon juongbou kia, lausikei Bou dambü kho lolabü. Müt yoa mangsühbü kho üeisanou ki, hoba shalebü kho yepeijawebü müt toje maibou ki. Bou to hatbüei langkei kuda, hoba kho yoa kibü haoei senyühshembo haksoda, amaibüei ameitilabü. Khangen amangsühbü müteibü haoeibü ik dishon to küplepan kida, lausikei hao sembung to sepeinyu asungletlabü. Mü awealaubü müt ngümashi, khünei maanglanbü songsido ditletlabü; ditenbü müt hakashi, khünei haoei hapbüngebü haplabü. Haoeibü bou to ik shatbü hoba haoeibü nyu leian hautibü kho, himou hoba shamma kubü shou ki. Kü shou, ngühkhüm ditbü haksoashi, khünei nyi hapbüngebü ngüh ka shoongaila. Jim akibü aukabüei ngühmai mat amaapheda, hoba amaibü müteibü sembungei shabü shaudayungda. Mü awealaubü shuong shanga kayang lamlean kia, hoba ngoubü shuongeibü shenjang shanga ngümbü kia.