Ngoyod ing Sang Rama

Kidung Pangunggahan.

Kapitayan digambarake kaya bumi lan gunung. Wong kang pitados iku ora kena gonjang-ganjing kaya Gunung Sion, lan Rama kita ngubengi wong-wong mau kaya gunung-gunung ngubengi Yerusalem. Pamarentahe wong duraka ora bakal langgeng ana ing tanah iki, amarga bakal ngoda wong becik nindakake piala.

Pasal 125.

Wong kang padha ngandel marang Rama kita iku kaya Gunung Sion, kang ora bisa gonjing, nanging lestari ing salawas-lawase. Kaya gunung-gunung kang ngupengi Yerusalem, mangkono uga Rama kita ngupengi umate, saiki lan ing salawas-lawase. Tekening kadurjanan ora bakal tumumpang ing tanah pandumane wong bener, supaya wong bener aja padha ngulungake tangane nindakake piala. Dhuh Rama, mugi Paduka karsa damel kasaenan dhateng para tiyang ingkang sae, dhateng tiyang ingkang jujur ing manahipun. Nanging wong-wong kang padha nyimpang menyang dalane kang menggak-menggok, bakal padha ditundhung dening Rama kita bebarengan karo wong kang padha gawe piala. Tentrem-rahayu anaa ing Israel!